| ᠪᠠᠭᠰᠢ | ᠵᠣᠬᠢᠶᠠᠭᠴᠢ᠄ ᠭᠤ · ᠭᠠᠯᠰᠠᠩ | ᠲᠠᠰᠬᠠᠯ ᠵᠠᠰᠠᠵᠤ ᠬᠢᠴᠢᠶᠡᠯ ᠪᠡᠯᠡᠳᠭᠡᠬᠦ ᠳᠤ ᠪᠠᠨ | ᠲᠠᠩᠳᠠ ᠬᠡᠵᠢᠶᠡᠳᠡ ᠡᠷᠳᠡᠯᠡᠨ ᠤᠷᠦ᠋ᠢᠯᠠᠳᠠᠭ | ᠲᠠᠯᠠᠢ ᠪᠠᠶᠠᠨ ᠡᠷᠳᠡᠮ ᠮᠡᠳᠡᠯᠭᠡ ᠪᠠᠨ | ᠲᠠᠶᠠᠭᠠᠷ ᠤᠨ ᠬᠡᠤᠭᠡᠳ ᠲᠤ ᠬᠠᠷᠠᠮ ᠦᠭᠡᠢ ᠶᠡᠬᠦᠯᠡᠳᠡᠭ | ᠦᠷᠤᠭᠡᠯ ᠤᠨ ᠬᠡᠤᠭᠡᠳ ᠢ ᠦᠪᠡᠷ ᠤᠨ ᠬᠡᠤᠭᠡᠳ ᠢᠶᠠᠨ ᠰᠢᠭ ᠰᠠᠨᠠᠭᠠᠳ | ᠦᠷᠤᠴᠡᠨ ᠤ ᠬᠠᠶᠢᠷᠠ ᠪᠠᠨ ᠪᠦᠬᠦᠨ ᠢ ᠡᠷᠬᠦᠳᠡᠭ | ᠦᠪ ᠰᠤᠶᠤᠯ᠂ ᠦᠨᠳᠤᠰᠤᠳᠡᠨ ᠤ ᠬᠡᠯᠡ ᠮᠢᠨᠢ ᠬᠡᠳ | ᠦᠰᠤ ᠬᠡᠵᠢᠭᠡ ᠪᠠᠨ ᠪᠤᠭᠤᠷᠤᠯ ᠪᠤᠯᠳᠠᠯᠠ ᠴᠢᠷᠮᠠᠶᠢᠭᠰᠠᠨ | ᠪᠠᠭᠰᠢ ᠶᠢᠨ ᠪᠠᠶᠠᠷ ᠤᠨ ᠡᠳᠤᠷ ᠲᠤ | ᠪᠠᠳᠠᠭᠳᠤ ᠰᠢᠯᠦᠭ ᠢᠶᠠᠨ ᠡᠷᠬᠦᠨᠡ ᠪᠢ︕ | ᠬᠦᠮᠤᠨ ᠢ ᠬᠦᠮᠤᠵᠢᠬᠦᠯᠬᠦ ᠠᠷᠢᠭᠤᠨ ᠦᠢᠯᠡᠰ ᠢ | ᠬᠦᠰᠡᠯ ᠤᠨ ᠲᠡᠭᠷᠢ ᠳᠤ ᠪᠠᠨ ᠡᠬᠦᠷᠢᠳᠡ ᠲᠡᠭᠡᠳᠤᠯᠡᠭᠰᠡᠨ | ᠬᠦᠭᠡᠷᠤᠬᠦᠨ ᠤᠯᠠᠨ ᠬᠡᠤᠭᠡᠳ ᠪᠠᠭᠠᠴᠤᠳ ᠢᠶᠠᠨ | ᠬᠡᠬᠦᠳᠡᠭ ᠴᠡᠭᠡᠵᠢᠨ ᠤ ᠪᠠᠨ ᠵᠢᠷᠤᠭᠡ ᠰᠢᠭ ᠬᠠᠶᠢᠷᠠᠯᠠᠭᠰᠠᠨ | ᠬᠦᠨᠳᠤᠳᠤ ᠬᠠᠶᠢᠷᠠᠳᠤ ᠪᠠᠭᠰᠢ ᠨᠠᠷ ᠲᠤ ᠪᠠᠨ | ᠬᠦᠨᠳᠤᠳᠭᠡᠯ ᠬᠠᠶᠢᠷᠠ ᠪᠠᠨ ᠲᠡᠪᠰᠢᠬᠦᠯᠵᠤ ᠪᠠᠶᠢᠨᠠ | ᠲᠡᠭᠷᠢᠯᠢᠭ ᠮᠤᠩᠭᠤᠯ ᠤᠨ ᠠᠷᠢᠭᠤᠨ ᠵᠠᠩᠰᠢᠯ ᠢᠶᠠᠷ | ᠲᠡᠷᠢᠬᠦᠨ ᠪᠦᠬᠦᠯᠵᠡᠨ ᠶᠤᠰᠤᠯᠠᠵᠤ ᠪᠠᠶᠢᠨᠠ᠃ | ᠪᠠᠭᠰᠢ ᠶᠢᠨ ᠪᠠᠶᠠᠷ ᠤᠨ ᠡᠳᠤᠷ ᠲᠤ | ᠪᠠᠳᠠᠭᠳᠤ ᠰᠢᠯᠦᠭ ᠢᠶᠠᠨ ᠡᠷᠬᠦᠨᠡ ᠪᠢ︕ | | ᠪᠠᠭᠰᠢ ᠪᠠᠨ ᠪᠢ ᠮᠠᠷᠳᠠᠬᠤ ᠦᠭᠡᠢ | ᠨᠠ᠊ ᠶᠢᠨ ᠲᠤᠰᠤᠯ ᠢ ᠲᠠᠨᠢᠭᠤᠯᠵᠤ | ᠨᠠᠰᠤᠨ ᠪᠠᠭᠠ ᠠᠴᠠ ᠮᠢᠨᠢ ᠬᠦᠮᠤᠵᠢᠬᠦᠯᠥᠭᠰᠡᠨ | ᠨᠠᠷᠠᠰᠤᠨ ᠤ ᠵᠠᠩ ᠲᠠᠢ ᠪᠠᠭᠰᠢ ᠪᠠᠨ | ᠨᠠᠰᠤᠨ ᠲᠤᠷᠰᠢᠳᠡ ᠮᠠᠷᠳᠠᠬᠤ ᠦᠭᠡᠢ᠃ | ᠨᠢᠭᠡᠨ ᠤ ᠲᠦᠷᠰᠤ ᠶᠢ ᠮᠡᠳᠡᠬᠦᠯᠵᠤ | ᠨᠢᠳᠤᠨ ᠳᠤ ᠮᠢᠨᠢ ᠶᠡᠭᠡ ᠶᠢ ᠦᠵᠡᠭᠦᠯᠦᠭᠰᠡᠨ | ᠨᠢᠩᠵᠢᠨ ᠰᠡᠳᠬᠢᠯᠳᠤ ᠪᠠᠭᠰᠢ ᠪᠠᠨ | ᠨᠢᠭᠡ ᠨᠠᠰᠤᠨ ᠳᠤ ᠪᠠᠨ ᠮᠠᠷᠳᠠᠬᠤ ᠦᠭᠡᠢ | ᠬᠤᠯᠠ ᠳᠤ ᠬᠦᠰᠡᠯ ᠢ ᠦᠨᠳᠡᠯᠵᠡᠬᠦᠯᠤᠨ | ᠬᠤᠩᠭᠤᠷ ᠪᠡᠶᠡ ᠶᠢ ᠮᠢᠨᠢ ᠮᠡᠳᠡᠯᠭᠡᠵᠢᠭᠦᠯᠦᠭᠰᠡᠨ | ᠬᠤᠪᠢ ᠪᠠᠨ ᠪᠤᠳᠤᠳᠠᠭ ᠦᠭᠡᠢ ᠪᠠᠭᠰᠢ ᠪᠠᠨ | ᠬᠤᠷᠸᠠ ᠳᠤ ᠬᠡᠵᠢᠶᠡᠳᠡ ᠮᠠᠷᠳᠠᠬᠤ ᠦᠭᠡᠢ ᠪᠢ︕ | ᠬᠦᠮᠤᠨ ᠪᠤᠯᠬᠤ ᠶᠢᠨ ᠬᠦᠨ ᠶᠤᠰᠤ ᠶᠢ | ᠬᠦᠳᠡᠬᠢ ᠲᠠᠷᠢᠬᠢ ᠳᠤ ᠮᠢᠨᠢ ᠰᠢᠮᠡᠵᠢᠭᠦᠯᠦᠭᠰᠡᠨ | ᠬᠦᠴᠢᠷ ᠤᠨ ᠡᠮᠤᠨᠡ ᠡᠪᠦᠳᠦᠭ ᠨᠤᠭᠤᠷᠠᠳᠠᠭ ᠦᠭᠡᠢ | ᠬᠦᠨᠳᠤᠳᠤ ᠪᠠᠭᠰᠢ ᠨᠠᠷ ᠲᠤ ᠪᠠᠨ ᠶᠤᠰᠤᠯᠠᠵᠤ ᠪᠠᠶᠢᠨᠠ᠃ |