ᠮᠤᠩᠭᠤᠯᠴᠤᠳ ᠤᠨ ᠡᠪᠡᠷ ᠰᠤᠶᠤᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/6/5
    ᠡᠪᠡᠷ ᠰᠤᠶᠤᠯ ᠬᠡᠮᠡᠭᠴᠢ ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠠᠨ ᠤ ᠡᠪᠡᠷ ᠤᠨ ᠲᠤᠬᠠᠢ ᠥᠵᠡᠯᠳᠡ ᠤᠢᠢᠯᠠᠭᠠᠯᠳᠠ᠂ ᠰᠡᠳᠬᠢᠭᠦᠢ᠂ ᠭᠤᠸ᠎ᠠ ᠤᠬᠠᠮᠰᠠᠷ ᠵᠡᠷᠭᠡ ᠳᠤ ᠰᠠᠭᠤᠷᠢᠯᠠᠨ ᠡᠭᠦᠰᠴᠤ ᠪᠥᠷᠢᠯᠳᠥᠭᠰᠡᠨ ᠰᠤᠶᠤᠯ ᠤᠨ ᠥᠵᠡᠭᠳᠡᠯ ᠢ ᠵᠢᠭᠠᠵᠦ ᠪᠤᠢ᠃     ᠡᠪᠡᠷ ᠨᠢ ᠡᠪᠡᠷᠳᠤ ᠠᠮᠢᠳᠠᠨ ᠤ ᠨᠢᠭᠡ ᠡᠷᠬᠡᠳᠡᠨ ᠪᠤᠯᠪᠠᠴᠤ ᠠᠯᠢ ᠡᠷᠳᠡ ᠠᠴᠠ ᠮᠤᠩᠭᠤᠯᠴᠤᠳ ᠤᠨ ᠥᠵᠡᠯᠳᠡ ᠤᠢᠢᠯᠠᠭᠠᠯᠳᠠ᠂ ᠠᠮᠢᠳᠤᠷᠠᠯ ᠠᠬᠤᠢ ᠶᠢ ᠨᠥᠯᠥᠭᠡᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠪᠠᠶᠢᠨ᠎ᠠ᠃ ᠲᠤᠬᠠᠢᠢᠯᠠᠪᠠᠯ ᠮᠤᠩᠭᠤᠯᠴᠤᠳ ᠤᠨ ᠡᠳᠤᠷ ᠲᠤᠳᠤᠮ ᠤᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ᠂ ᠨᠠᠭᠠᠳᠤᠮ᠂ ᠲᠤᠭᠯᠠᠭᠠᠮ᠂ ᠤᠷᠠᠯᠢᠭ᠂ ᠥᠯᠢᠭᠡᠷ ᠲᠤᠤᠯᠢ ᠬᠦᠷᠳᠡᠯ᠎ᠡ ᠬᠥᠨ ᠨᠥᠯᠥᠭᠡ ᠬᠥᠨᠵᠡᠬᠡᠢ ᠲᠤᠰᠬᠠᠯ ᠥᠵᠡᠭᠦᠯᠥᠭᠡᠳ ᠮᠤᠩᠭᠤᠯ ᠰᠤᠶᠤᠯ ᠤᠨ ᠤᠨᠴᠠᠯᠢᠭ ᠢ ᠬᠠᠷᠠᠭᠤᠯᠤᠭᠰᠠᠨ ᠡᠪᠡᠷ ᠰᠤᠶᠤᠯ ᠢ ᠪᠤᠢ ᠪᠤᠯᠭᠠᠪᠠ᠃ ᠲᠡᠷᠡ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠰᠤᠶᠤᠯ ᠤᠨ ᠴᠢᠬᠤᠯᠠ ᠨᠢᠭᠡᠨ ᠬᠡᠰᠡᠭ ᠪᠤᠯᠤᠨ᠎ᠠ᠃     ᠡᠪᠡᠷ ᠬᠡᠷᠡᠭᠰᠡᠯ     ᠮᠤᠩᠭᠤᠯ ᠤᠨ ᠦᠨᠳᠤᠷᠯᠢᠭ ᠤᠨ ᠨᠡᠭᠦᠳᠡᠯᠴᠢᠨ ᠥᠨᠳᠤᠰᠤᠳᠡᠨ ᠠᠯᠢ ᠡᠷᠳᠡ ᠬᠠᠭᠤᠴᠢᠨ ᠵᠡᠪᠰᠡᠭ ᠤᠨ ᠦᠶ᠎ᠡ ᠠᠴᠠ ᠶᠠᠰᠤᠨ ᠪᠠᠭᠠᠵᠢ ᠬᠡᠷᠡᠭᠯᠡᠵᠦ᠂ ᠠᠷᠰᠯᠠᠨ᠂ ᠵᠠᠭᠠᠨ ᠤ ᠰᠤᠶᠤᠭ᠎ᠠ᠂ ᠪᠤᠭᠤ ᠶᠢᠨ ᠡᠪᠡᠷ ᠵᠡᠷᠭᠡ ᠶᠠᠰᠤᠨ ᠡᠳ᠋ ᠢᠶᠠᠷ ᠵᠢᠳᠠ᠂ ᠰᠢᠪᠦᠭᠡ᠂ ᠵᠡᠭᠦᠥ᠂ ᠵᠠᠪᠠ ᠬᠢᠳᠡᠭ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠮᠤᠩᠭᠤᠯᠴᠤᠳ ᠴᠤ ᠡ᠊ᠨᠡ ᠬᠦ ᠰᠤᠶᠤᠯ ᠤᠨ ᠤᠯᠠᠮᠵᠢᠯᠠᠯ ᠢ ᠵᠠᠯᠭᠠᠮᠵᠢᠯᠠᠨ ᠠᠪᠤᠭᠰᠠᠨ ᠪᠥᠭᠡᠳ ᠤᠯᠠᠮ ᠪᠠᠶᠠᠯᠢᠬᠵᠢᠭᠤᠯᠤᠨ ᠬᠥᠭᠵᠢᠬᠦᠯᠵᠦ᠂ ᠡᠪᠡᠷ ᠢᠶᠠᠷ ᠵᠢᠳᠡ᠂ ᠰᠢᠪᠦᠭᠡ᠂ ᠵᠡᠭᠦᠥ᠂ ᠵᠡᠪᠡ ᠮᠡᠳᠤ ᠶᠢᠨ ᠥᠵᠥᠭᠦᠷᠳᠤ ᠵᠡᠪᠰᠡᠭ ᠬᠢᠵᠦ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠬᠤᠵᠢᠮ ᠠᠶᠠᠭ᠎ᠠ᠂ ᠬᠤᠨᠳᠠᠭ᠎ᠠ᠂ ᠤᠭᠵᠢ᠂ ᠨᠤᠮᠤ᠂ ᠪᠦᠷᠢᠶ᠎ᠡ᠂ ᠴᠢᠳᠤᠷ ᠤᠨ ᠴᠠᠭᠳᠠ᠂ ᠬᠢᠳᠤᠭ᠎ᠠ ᠶᠢᠨ ᠬᠤᠢ᠂ ᠬᠤᠷᠤᠭᠤᠪᠴᠢ᠂ ᠬᠤᠭᠤᠷ ᠤᠨ ᠲᠠᠪᠠ᠂ ᠬᠠᠯᠪᠠᠭ᠎ᠠ᠂ ᠰᠢᠨᠠᠭ᠎ᠠ᠂ ᠮᠠᠭᠠᠵᠤᠤᠷ᠂ ᠲᠤᠪᠴᠢ ᠵᠡᠷᠭᠡ ᠶᠢᠨ ᠤᠯᠠᠨ ᠲᠥᠷᠥᠯ ᠤᠨ ᠶᠠᠭᠤᠮ᠎ᠠ ᠶᠢ ᠶᠠᠩᠵᠤᠯᠠᠨ ᠬᠢᠵᠦ᠂ ᠡᠳᠤᠷ ᠲᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠳᠤ ᠪᠠᠨ ᠬᠡᠷᠡᠭᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃      ᠡᠪᠡᠷ ᠤᠷᠠᠯᠢᠭ     ᠡᠪᠡᠷ ᠨᠢ ᠠᠮᠢᠳᠠᠨ ᠤ ᠴᠤᠭ ᠵᠢᠪᠬᠤᠭ᠎ᠠ᠂ ᠰᠥᠷ ᠬᠥᠴᠥᠨ ᠪᠤᠯᠤᠨ ᠭᠤᠸ᠎ᠠ ᠰᠠᠶᠢᠬᠠᠨ ᠢ ᠢᠯᠡᠷᠡᠭᠦᠯᠳᠡᠭ ᠨᠢᠭᠡᠨ ᠡᠷᠬᠡᠳᠡᠨ᠂ ᠮᠥᠨ ᠴᠤ ᠥᠪᠡᠷ ᠢ ᠪᠠᠨ ᠬᠠᠮᠠᠭᠠᠯᠠᠵᠦ᠂ ᠦᠭᠡᠷ᠎ᠡ ᠪᠤᠰᠤᠳ ᠲᠠᠢ ᠲᠡᠮᠡᠴᠡᠯᠳᠥᠬᠦ ᠶᠢᠨ ᠵᠡᠷ ᠵᠡᠪᠰᠡᠭ ᠬᠡᠮᠡᠷ ᠶᠤᠮ᠃ ᠡᠪᠡᠷ ᠨᠢ ᠠᠪᠠ ᠠᠩᠨᠠᠭᠤᠷ᠂ ᠮᠠᠯ ᠠᠵᠦ ᠠᠬᠤᠢ ᠡᠷᠬᠢᠯᠡᠳᠡᠭ ᠡᠷᠳᠡᠨ ᠤ ᠠᠶᠢᠮᠠᠭ ᠤᠳ ᠤᠨ ᠭᠤᠶᠤ ᠴᠢᠮᠡᠭᠯᠡᠯ ᠳᠤ ᠵᠥᠡᠭᠳᠡᠭᠡᠨ ᠬᠡᠷᠡᠭᠯᠡᠳᠡᠭ ᠬᠡᠯᠪᠡᠷᠢ ᠪᠤᠯᠤᠭᠰᠠᠨ ᠪᠢᠯᠡ᠃ ᠮᠤᠩᠭᠤᠯᠴᠤᠳ ᠴᠤ ᠠᠯᠢ ᠡᠷᠳᠡ ᠠᠴᠠ ᠡᠪᠡᠷ ᠤᠨ ᠬᠡᠯᠪᠡᠷᠢ ᠶᠢ ᠭᠤᠸ᠎ᠠ ᠰᠠᠶᠢᠬᠠᠨ᠂ ᠰᠥᠷ ᠬᠥᠴᠥᠨ ᠤ ᠪᠡᠯᠭᠡ ᠲᠡᠮᠳᠡᠭ ᠪᠤᠯᠭᠠᠨ ᠡᠷᠬᠢᠮᠯᠡᠨ ᠤᠷᠠᠯᠢᠬᠵᠢᠭᠤᠯᠤᠨ ᠬᠡᠷᠡᠭᠯᠡᠭᠰᠡᠭᠡᠷ ᠢᠷᠡᠵᠠᠢ᠃ ᠭᠡᠬᠦ ᠳᠤ ᠪᠠᠨ ᠮᠤᠩᠭᠤᠯᠴᠤᠳ ᠤᠨ ᠡᠮᠡᠭᠳᠠᠢ ᠶᠢᠨ ᠬᠡᠵᠢᠬᠡᠨ ᠤ ᠬᠡᠯᠪᠡᠷᠢ᠂ ᠬᠡ ᠤᠭᠠᠯᠵᠠ᠂ ᠠᠷᠠᠳ ᠤᠨ ᠠᠮᠠᠨ ᠵᠤᠬᠢᠶᠠᠯ ᠳᠤ ᠭᠤᠤᠯᠴᠠᠭᠤ ᠲᠤᠰᠬᠠᠯ ᠢᠶᠠᠨ ᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃     ᠡᠪᠡᠷ ᠬᠡᠵᠢᠭᠡ     ᠮᠤᠩᠭᠤᠯ ᠡᠮᠡᠭᠳᠡᠶᠢᠴᠤᠳ ᠬᠡᠵᠢᠭᠡ ᠪᠠᠨ ᠡᠪᠡᠷ ᠬᠡᠯᠪᠡᠷᠢ ᠪᠠᠷ ᠵᠠᠰᠠᠨ ᠴᠢᠮᠡᠭᠯᠡᠳᠡᠭ᠃ ᠲᠡᠷᠡ ᠨᠢ ᠥᠵᠡᠬᠦ ᠳᠤ ᠡᠪᠡᠷ ᠰᠢᠭ ᠰᠥᠷᠯᠢᠭᠦᠨ᠂ ᠥᠨᠳᠤᠰᠤᠳᠡᠨ ᠤ ᠤᠨᠴᠠᠯᠢᠭ ᠢ ᠬᠠᠷᠠᠭᠤᠯᠤᠭᠰᠠᠨ ᠥᠪᠡᠷᠮᠢᠴᠡ ᠭᠤᠸ᠎ᠠ ᠰᠠᠶᠢᠬᠠᠨ ᠤ ᠰᠡᠳᠬᠢᠭᠳᠡᠯ ᠲᠥᠷᠥᠭᠳᠡᠭᠦᠯᠳᠡᠭ ᠪᠠᠶᠢᠨ᠎ᠠ᠃ ᠮᠤᠩᠭᠤᠯ ᠡᠮᠡᠭᠳᠡᠶᠢᠴᠤᠳ ᠤᠨ  ᠬᠡᠵᠢᠭᠡ ᠨᠢ ᠡᠪᠡᠷ ᠬᠡᠯᠪᠡᠷᠢ ᠪᠠᠷ ᠢᠯᠡᠷᠡᠭᠰᠡᠨ ᠲᠤᠬᠠᠢ ᠰᠤᠳᠤᠯᠤᠭᠴᠢ ᠮᠠᠷᠲ᠋ᠠ ᠪᠤᠶᠧᠷ ︽ᠮᠤᠩᠭᠤᠯ ᠵᠠᠰᠠᠯ︾ ᠭᠡᠬᠦ ᠨᠤᠮ ᠳᠤ ᠪᠠᠨ᠄ ︽ᠬᠤᠵᠢᠮ ᠤᠨ ᠮᠤᠩᠭᠤᠯ ᠤᠨ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠬᠤ ᠰᠤᠶᠤᠯ ᠤᠨ ᠦᠶ᠎ᠡ ᠳᠤ ᠯᠠ ᠲᠤᠩ ᠴᠢᠬᠤᠯᠠ ᠪᠤᠯᠤᠭᠰᠠᠨ ᠬᠤᠨᠢᠨ ᠤ ᠨᠥᠯᠥᠭᠡ ᠬᠡᠵᠢᠭᠡᠨ ᠤ ᠬᠡᠪ ᠮᠠᠶ᠋ᠢᠭ ᠲᠤ ᠲᠤᠰᠬᠠᠭᠳᠠᠭᠰᠠᠨ ᠶᠤᠮ︾ ᠭᠡᠵᠦ ᠬᠤᠯᠪᠤᠨ ᠰᠢᠨᠵᠢᠭᠰᠡᠨ ᠨᠢ ᠲᠤᠩ ᠵᠥᠢ ᠲᠠᠢ ᠶᠤᠮ᠃ ᠶᠠᠮᠠᠷ ᠨᠢᠭᠡᠨ ᠥᠨᠳᠤᠰᠤᠳᠡᠨ ᠤ ᠤᠷᠠᠯᠢᠭ ᠨᠢ ᠬᠡᠳ ᠲᠡᠷᠡ ᠦᠨᠳᠤᠰᠤᠳᠡᠨ ᠤ ᠡᠷᠬᠢᠯᠡᠨ ᠪᠠᠶᠢᠭ᠎ᠠ ᠠᠵᠦ ᠠᠬᠤᠢ ᠠᠴᠠ ᠰᠠᠯᠵᠦ ᠴᠢᠳᠠᠬᠤ ᠥᠭᠡᠢ᠂ ᠲᠤᠰ ᠥᠨᠳᠤᠰᠤᠳᠡᠨ ᠤ ᠠᠵᠦ ᠠᠬᠤᠢ ᠶᠢᠨ ᠤᠨᠴᠠᠯᠢᠭ ᠢ ᠢᠯᠡᠷᠡᠭᠦᠯᠥᠭᠰᠡᠨ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠢ ᠪᠠᠭᠳᠠᠭᠠᠭᠰᠠᠨ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠨᠡᠭᠦᠳᠡᠯᠴᠢᠨ ᠥᠨᠳᠤᠰᠤᠳᠡᠨ ᠪᠤᠯ ᠠᠡᠭ ᠠᠩᠨᠠᠯ᠂ ᠮᠠᠯ ᠠᠵᠦ ᠠᠬᠤᠢ ᠪᠠᠷ ᠭᠤᠤᠯᠯᠠᠭᠰᠠᠨ ᠪᠠᠶᠢᠳᠠᠭ᠃ ᠠᠯᠢ ᠡᠷᠳᠡ ︽ᠬᠠᠨ ᠤᠯᠤᠰ ᠤᠨ ᠦᠶ᠎ᠡ ᠳᠤ ᠤᠮᠠᠷᠠᠳᠤ ᠶᠢᠨ ᠵᠠᠷᠢᠮ ᠦᠨᠳᠤᠰᠤᠳᠡᠨ ᠤ ᠡᠮᠡᠭᠳᠡᠶᠢᠴᠤᠳ ᠥᠬᠡᠷ ᠤᠨ ᠡᠪᠡᠷ ᠢ ᠲᠠᠭᠤᠷᠢᠶᠠᠯᠭᠠᠵᠦ ᠰᠡᠶᠢᠯᠥᠭᠰᠡᠨ ᠠᠯᠳᠠᠯᠠᠭᠰᠠᠨ ᠮᠤᠳᠤᠨ ᠤ ᠲᠤᠯᠤᠭᠠᠢ ᠶᠢᠨ ᠵᠠᠰᠠᠯ ᠵᠡᠭᠦᠳᠡᠭ ᠪᠠᠶᠢᠵᠠᠢ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ᠂ ᠬᠠᠨ ᠤᠯᠤᠰ ᠤᠨ ᠤᠮᠠᠷᠠᠳᠤ ᠪᠡᠶ᠎ᠡ ᠳᠠᠬᠢ ᠤᠯᠤᠰ ᠤᠳ ᠲᠤ ︿ᠡᠬᠡᠴᠢ ᠲᠡᠭᠦᠥ ︵ᠬᠤᠷᠢᠮᠯᠠᠭᠰᠠᠨ︶ ᠡᠮᠡᠭᠳᠠᠢ ᠨᠢ ᠬᠡᠳᠤᠨ ᠲᠡᠭᠦᠥ ᠲᠠᠢ ᠪᠤᠯ ᠲᠡᠳᠤᠢ ᠡᠪᠡᠷ ᠵᠡᠭᠦᠳᠡᠭ ᠪᠠᠶᠢᠵᠠᠢ﹀᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠾᠥᠡᠭᠨᠥ ᠳᠤ ︿ᠴᠠᠭᠠᠨ﹀ ᠾᠥᠡᠭᠨᠥ ᠭᠡᠬᠦ ᠨᠢᠭᠡ ᠪᠥᠯᠥᠭ ᠪᠠᠶᠢᠵᠦ ᠲᠡᠳᠡ ᠲᠤᠯᠤᠭᠠᠢ ᠳᠤ ᠪᠠᠨ 8 ᠲᠤᠬᠤᠢ ᠦᠨᠳᠤᠷ ᠡᠪᠡᠷ ᠤᠨ ᠬᠡᠪ ᠮᠠᠶ᠋ᠢᠭ ᠬᠢᠵᠦ᠂ 3 ᠲᠤᠬᠤᠢ ᠶᠢᠨ ᠬᠡᠰᠡᠭ ᠲᠤ ᠨᠢ ᠱᠢᠷᠥ ᠰᠢᠭᠢᠳᠭᠡᠵᠣ ᠰᠠᠭᠤᠯᠭᠠᠳᠠᠭ ᠪᠠᠶᠢᠵᠠᠢ︾   ᠬᠡᠵᠦ ᠲᠡᠤᠬᠡᠨ ᠨᠤᠮ ᠪᠢᠴᠢᠭ ᠳᠤ ᠲᠡᠮᠳᠡᠭᠯᠡᠭᠰᠡᠡ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠠᠴᠠ ᠥᠵᠡᠪᠡᠯ ᠡᠪᠡᠷ ᠨᠢ ᠠᠯᠢ ᠡᠷᠳᠡ ᠨᠢᠭᠡᠨᠳᠡ ᠮᠤᠩᠭᠤᠯ ᠤᠨ ᠥᠨᠳᠦᠷᠯᠢᠭ ᠤᠨ ᠤᠭᠰᠠᠭ᠎ᠠ ᠠᠶᠢᠮᠠᠭ ᠤᠨ ᠤᠷᠠᠯᠢᠭ ᠲᠤ ᠨᠡᠪᠴᠢᠵᠦ ᠡᠪᠡᠷ ᠰᠤᠶᠤᠯ ᠤᠨ ᠥᠪᠡᠷᠮᠢᠴᠡ ᠪᠥᠷᠢᠯᠳᠤᠴᠡ ᠶᠢ ᠪᠤᠢ ᠪᠤᠯᠭᠠᠭᠰᠠᠨ ᠪᠢᠯᠡ᠃     ᠡᠪᠡᠷ ᠤᠭᠠᠯᠵᠠ     ᠮᠤᠩᠭᠤᠯᠴᠤᠳ ᠤᠨ ᠡᠪᠡᠷ ᠤᠨ ᠨᠥᠯᠥᠭᠡ ᠶᠢ ᠬᠥᠷᠳᠡᠭᠰᠡᠨ ᠤᠷᠠᠯᠢᠭ ᠤᠨ ᠪᠠᠰᠠ ᠨᠢᠭᠡ ᠵᠦᠢᠯ ᠨᠢ ᠡᠪᠡᠷ ᠤᠭᠠᠯᠵᠠ ᠶᠤᠮ᠃ ᠡᠪᠡᠷ ᠤᠭᠠᠯᠵᠠ ᠶᠢ ᠪᠠᠰᠠ ᠡᠪᠡᠷ ᠬᠡ᠂ ᠡᠪᠡᠷ ᠤᠨ ᠬᠡ ᠤᠭᠠᠯᠵᠠ ᠬᠡᠳᠡᠭ᠃ ᠡᠪᠡᠷ ᠤᠭᠠᠯᠵᠠ ᠶᠢᠨ ᠡᠭᠦᠰᠤᠯ ᠭᠠᠷᠤᠯ ᠤᠨ ᠲᠤᠬᠠᠢ ᠡᠷᠳᠡᠮᠳᠡᠳ ᠤᠨ ᠰᠠᠨᠠᠯ ᠠᠳᠠᠯᠢ ᠥᠬᠡᠢ ᠪᠠᠶᠢᠳᠠᠭ᠃ ᠲᠤᠬᠠᠢᠢᠯᠠᠪᠠᠯ ︽ᠨᠢᠭᠡ ᠲᠠᠯ᠎ᠠ ᠪᠠᠷ᠂ ᠶᠡᠭᠡ ᠲᠡᠮᠳᠡᠭ ᠤᠨ ᠰᠢᠰᠲ᠋ᠧᠮ ᠤᠨ ᠪᠥᠷᠢᠯᠳᠥᠬᠦᠨ ᠤ ᠬᠤᠪᠢ ᠪᠠᠷ ᠤᠷᠤᠰᠢᠵᠦ ︿ᠤᠷᠴᠢᠯᠠᠩ ᠤᠨ ᠪᠥᠳᠤᠴᠡ ᠵᠢᠷᠤᠭ﹀ ᠲᠠᠢ ᠬᠤᠯᠪᠤᠭᠠᠳᠠᠢ᠃ ᠨᠥᠬᠦᠭᠡ ᠲᠠᠯ᠎ᠠ ᠪᠠᠷ ᠤᠭᠠᠯᠵᠠ ᠶᠢᠨ ᠡᠪᠡᠷ ᠤᠨ ᠲᠠᠭᠤᠷᠢᠶᠠᠯᠭ᠎ᠠ ᠮᠥᠨ ᠪᠥᠭᠡᠳ ᠬᠢᠷᠬᠢᠰ ᠠᠴᠠ ᠡᠭᠦᠰᠥᠯᠳᠠᠢ ᠭᠡᠵᠦ ᠲᠠᠶᠢᠯᠪᠤᠷᠢᠯᠠᠭᠳᠠᠳᠠᠭ᠃ ᠤᠭᠠᠯᠵᠠ ᠶᠢᠨ ᠡᠪᠡᠷ ᠪᠤᠯ ᠡᠨᠡ ᠬᠦ ᠬᠡ ᠤᠭᠠᠯᠵᠠ ᠶᠢᠨ ᠦᠨᠳᠤᠰᠤᠨ ᠡᠯᠧᠮᠧᠨ᠋ᠲ ᠪᠤᠯᠵᠦ ᠪᠤᠢ︾ ᠭᠡᠵᠦ ᠥᠵᠡᠵᠦ ᠪᠤᠢ᠃     ︽ᠬᠠᠯᠬ᠎ᠠ ᠡᠮᠡᠭᠳᠠᠢ ᠶᠢᠨ ᠬᠡᠵᠢᠭᠡᠨ ᠤ ᠬᠡᠪ ᠮᠠᠶ᠋ᠢᠭ ᠲᠤ ᠮᠤᠰᠬᠢᠶ᠎ᠠ ︵ᠡᠪᠡᠷ︶ ᠪᠠᠶᠢᠳᠠᠭ ᠨᠢ ᠮᠤᠩᠭᠤᠯ ᠤᠨ ᠠᠮᠢᠳᠤᠷᠠᠯ ᠤᠨ ᠬᠤᠨᠢᠨ ᠤ ᠴᠢᠬᠤᠯᠠ ᠤᠢᠢᠯᠡᠳᠤᠯ ᠲᠠᠢ ᠪᠠᠶᠢᠳᠠᠭ ᠲᠤ ᠰᠠᠭᠤᠷᠢᠯᠠᠭᠰᠠᠨ ᠲᠠᠢ ᠠᠳᠠᠯᠢ ᠪᠠᠷ ᠬᠢᠷᠬᠢᠰ ᠤᠨ ᠤᠷᠠᠯᠢᠭ ᠲᠤ ᠭᠤᠤᠯ ᠬᠥᠭ ᠠᠶᠠᠰ ᠪᠤᠯᠵᠦ ᠪᠠᠶᠢᠭ᠎ᠠ ᠡᠨᠡ ᠬᠦ ᠤᠭᠠᠯᠵᠠ ᠴᠤ ᠲᠡᠳᠡᠨ ᠤ ᠠᠮᠢᠳᠤᠷᠠᠯ ᠳᠤ ᠬᠤᠨᠢ ᠲᠤᠩ ᠶᠡᠭᠡ ᠡᠳ᠋ ᠤᠨ ᠵᠠᠰᠠᠭ ᠤᠨ ᠥᠷᠳᠡᠭ ᠲᠠᠢ ᠪᠠᠶᠢᠳᠠᠭ ᠠᠴᠠ ᠰᠢᠯᠳᠠᠭᠠᠯᠠᠭᠳᠠᠯ᠎ᠠ︾ ᠭᠡᠵᠦ ᠺᠠᠷᠤᠰ ᠥᠵᠡᠵᠠᠢ᠃ ᠡᠪᠡᠷ᠂ ᠤᠭᠠᠯᠵᠠ ᠬᠤᠶᠠᠷ ᠤᠶᠠᠯᠳᠤᠭᠰᠠᠨ ᠤᠷᠠᠯᠢᠭ ᠤᠨ ᠬᠡᠯᠪᠡᠷᠢ ᠨᠢ ᠬᠢᠳᠠᠳ ᠪᠤᠯᠤᠨ ᠮᠤᠩᠭᠤᠯ ᠳᠤ ᠪᠥᠷ ᠪᠠᠶᠢᠳᠠᠭ ᠪᠤᠯᠪᠠᠴᠤ ᠡᠭᠦᠰᠤᠯ ᠭᠠᠷᠤᠯ ᠤᠨ ᠲᠠᠶᠢᠯᠪᠤᠷᠢ᠂ ᠬᠡᠷᠡᠭᠴᠡᠭᠡᠨ ᠤ ᠤᠳᠬ᠎ᠠ ᠤᠢᠢᠯᠡᠳᠤᠯ᠂ ᠬᠡᠷᠡᠭᠯᠡᠭᠡᠨ ᠤ ᠬᠦᠷᠢᠶ᠎ᠡ ᠬᠡᠪᠴᠢᠶ᠎ᠡ᠂ ᠬᠡᠪᠰᠢᠨ ᠬᠡᠷᠡᠭᠯᠡᠭᠳᠡᠭᠰᠡᠨ ᠤᠨ ᠵᠢᠯ ᠤᠨ ᠲᠠᠯ᠎ᠠ ᠪᠠᠷ ᠲᠤᠰ ᠲᠤᠰ ᠠᠳᠠᠯᠢ ᠥᠬᠡᠢ᠃ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠡᠪᠡᠷ ᠤᠭᠠᠯᠵᠠ ᠨᠢ ᠥᠨᠳᠥᠰᠤᠳᠡᠨ ᠤ ᠤᠨᠴᠠᠯᠢᠭ ᠢ ᠢᠯᠡᠷᠡᠭᠦᠯᠥᠭᠰᠡᠨ ᠥᠪᠡᠷᠮᠢᠴᠡ ᠪᠥᠬᠦᠢ ᠤᠳᠤᠮᠰᠢᠯᠳᠤ ᠤᠷᠠᠯᠢᠭ ᠤᠨ ᠬᠤᠪᠢ ᠪᠠᠷ ᠡᠳᠤᠬᠡ ᠪᠤᠯᠳᠠᠯ᠎ᠠ ᠬᠡᠷᠡᠭᠯᠡᠭᠳᠡᠭᠰᠡᠭᠡᠷ ᠪᠤᠢ᠃     ᠮᠤᠩᠭᠤᠯ ᠠᠷᠠᠳ ᠤᠨ ᠥᠯᠢᠭᠡᠷ ᠲᠤᠤᠯᠢ ᠳᠠᠬᠢ ᠡᠪᠡᠷ     ᠮᠤᠩᠭᠤᠯ ᠠᠷᠠᠳ ᠤᠨ ᠥᠯᠢᠭᠡᠷ ᠲᠤᠤᠯᠢ᠂ ᠠᠮᠠᠨ ᠵᠤᠬᠢᠶᠠᠯ ᠳᠤ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠤ ᠥᠯᠢᠭᠡᠷ ᠠᠰᠤᠷᠤ ᠠᠷᠪᠢᠨ ᠪᠠᠶᠢᠳᠠᠭ᠂ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠤ ᠠᠪᠤᠷᠭᠤ ᠶᠡᠭᠡ ᠰᠥᠷ ᠬᠥᠴᠥᠨ ᠢ ᠥᠵᠡᠭᠦᠯᠳᠡᠭ ᠤᠨ ᠨᠢᠭᠡ ᠨᠢ ᠡᠪᠡᠷ ᠶᠤᠮ᠃ ᠲᠡᠭᠡᠭᠦᠯᠡᠷ ᠮᠤᠩᠭᠤᠯ ᠠᠷᠠᠳ ᠤᠨ ᠥᠯᠢᠭᠡᠷ ᠲᠤᠤᠯᠢ᠂ ᠠᠮᠠᠨ ᠵᠤᠬᠢᠶᠠᠯ ᠳᠤ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠤ ᠡᠪᠡᠷ ᠢ ᠤᠨᠴᠠ ᠲᠤᠪᠤᠶᠢᠯᠭᠠᠨ ᠲᠥᠷᠰᠥᠯᠡᠵᠦ ︽ᠨᠢᠭᠡ ᠡᠪᠡᠷ ᠢᠨᠦ ᠭᠠᠵᠠᠷ ᠲᠤᠯᠵᠦ ᠪᠠᠶᠢᠬᠤᠢ ᠳᠤᠷ ᠨᠥᠬᠦᠭᠡ ᠡᠪᠡᠷ ᠢᠨᠦ ᠲᠡᠭᠷᠢ ᠲᠤᠯᠵᠦ ᠪᠠᠶᠢᠭᠰᠠᠨ︾︔ ᠤᠯᠠᠨ ᠡᠪᠡᠷ ᠲᠠᠢ ᠪᠢᠰᠢ ᠪᠤᠯ ᠥᠷᠥᠭᠡᠰᠤᠨ ᠡᠪᠡᠷ ᠲᠠᠢ᠃ ᠠᠬᠢᠭᠠᠳ ᠪᠠᠰᠠ ᠠᠯᠳᠠᠨ ᠡᠪᠡᠷ ᠲᠠᠢ ᠠᠮᠢᠳᠠᠨ ᠴᠤ ᠭᠠᠷᠳᠠᠭ ᠪᠠᠶᠢᠨ᠎ᠠ᠃ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠤ ᠡᠪᠡᠷ ᠤᠨ ᠷᠢᠳᠢ ᠰᠢᠳᠢ ᠶᠢ ᠭᠠᠶᠢᠬᠠᠭᠤᠯᠤᠨ ᠲᠥᠷᠰᠥᠯᠡᠳᠡᠭ ᠨᠢ ᠮᠤᠩᠭᠤᠯ ᠠᠷᠠᠳ ᠤᠨ ᠥᠯᠢᠭᠡᠷ ᠲᠤᠤᠯᠢ᠂ ᠠᠮᠠᠨ ᠵᠤᠬᠢᠶᠠᠯ ᠳᠠᠬᠢ ᠠᠮᠢᠳᠠᠨ ᠤ ᠥᠯᠢᠭᠡᠷ ᠤᠨ ᠤᠯᠠᠮᠵᠢᠯᠠᠯᠳᠤ ᠵᠢᠷᠤᠭᠯᠠᠯ ᠪᠤᠯᠤᠭᠰᠠᠭᠠᠷ ᠢᠷᠡᠵᠠᠢ᠃     ᠡᠪᠡᠷ ᠰᠢᠳᠥᠯᠭᠡ     ᠡᠪᠡᠷ ᠰᠢᠳᠥᠯᠭᠡ ᠪᠤᠯ ᠲᠠᠷᠤᠢ ᠡᠷᠬᠡᠳᠡᠨ ᠤ ᠰᠢᠳᠥᠯᠭᠡ ᠪᠤᠯᠤᠨ᠎ᠠ᠃  ᠡᠷᠬᠡᠳᠡᠨ ᠤ ᠰᠢᠳᠥᠯᠭᠡ ᠬᠡᠮᠡᠭᠴᠢ ᠬᠥᠮᠥᠨ ᠪᠠ ᠠᠮᠢᠳᠠᠨ ᠤ ᠶᠠᠮᠠᠷ ᠨᠢᠬᠡᠨ ᠡᠷᠬᠡᠳᠡᠨ ᠢ ᠶᠠᠮᠠᠷ ᠨᠢᠭᠡᠨ ᠤᠴᠢᠷ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠤᠭᠠᠳ ᠪᠢᠰᠢᠷᠡᠨ ᠰᠢᠳᠥᠬᠦ ᠶᠢ ᠵᠢᠭᠠᠵᠦ ᠪᠤᠢ᠃     ᠮᠤᠩᠭᠤᠯᠴᠤᠳ ᠡᠪᠡᠷ ᠢ ᠶᠠᠮᠠᠷ ᠨᠢᠭᠡᠨ ᠷᠢᠳᠢ ᠰᠢᠳᠢ ᠲᠠᠢ ᠵᠦᠢᠯ ᠢᠶᠠᠷ ᠥᠵᠡᠭᠡᠳ ᠲᠡᠭᠦᠨ ᠢ ᠷᠢᠳᠢ ᠰᠢᠳᠢᠴᠢᠯᠡᠨ ᠰᠢᠳᠥᠳᠡᠭ ᠪᠠᠶᠢᠨ᠎ᠠ᠃ ᠡᠶᠢᠮᠥ ᠠᠴᠠ ᠡᠪᠡᠷ ᠢᠶᠠᠷ ᠬᠢᠭᠰᠡᠨ ᠰᠢᠳᠡᠳᠤ ᠡᠳ᠋ ᠨᠢ ᠡᠵᠡᠨ ᠪᠡᠶ᠎ᠡ ᠶᠢᠨ ᠠᠮᠢ ᠶᠢ ᠨᠢ ᠠᠪᠤᠷᠠᠬᠤ ᠪᠤᠶᠤ ᠪᠤᠰᠤᠳ ᠤᠨ ᠠᠮᠢ ᠶᠢ ᠠᠪᠤᠬᠤ ᠵᠦᠢᠯ ᠢᠶᠠᠷ ᠥᠬᠦᠯᠡᠭᠳᠡᠳᠡᠭ᠃     ᠬᠤᠪᠤᠭᠳᠤ ᠪᠥᠬᠡ ᠶᠢᠨ ᠲᠤᠮᠤᠭ ᠲᠤ ᠥᠭᠦᠯᠡᠭᠰᠡᠨ ᠢᠶᠠᠷ᠄ ︽ᠬᠤᠪᠤᠭᠳᠤ ᠠᠪᠤ᠂ ᠪᠤᠭᠳᠠ ᠬᠡᠬᠡᠨ ᠤ ᠲᠡᠭᠡᠷ᠎ᠡ ᠨᠢ ᠶᠢᠰᠤ ᠶᠢᠰᠤ ᠶᠢᠨ ᠨᠠᠶᠠᠨ ᠨᠢᠭᠡᠨ ᠤᠳᠠᠭ᠎ᠠ ᠠᠶᠤᠩᠭ᠎ᠠ ᠪᠠᠭᠤᠯᠭᠠᠪᠠ᠃ ᠪᠤᠭᠳᠠ ᠶᠢᠨ ᠬᠡᠬᠡᠨ ᠨᠢ ᠲᠤᠯᠤᠭᠠᠨ ᠱᠠᠪᠢ ᠲᠠᠢ ᠪᠠᠨ ᠬᠠᠮᠳᠤ ᠬᠤᠨᠭ᠍ᠬᠤ ᠲᠠᠮᠠᠷᠤ ᠳᠤ ᠪᠠᠨ ᠨᠢᠭᠤᠭᠳᠠᠭᠠᠳ ᠠᠮᠢ ᠨᠢ ᠭᠠᠷᠴᠤ ᠬᠡᠨ᠎ᠡ᠃ ᠪᠤᠭᠳᠠ ᠶᠢᠨ ᠬᠡᠬᠡᠨ ᠤᠤᠯ ᠨᠢ ᠲᠤᠯᠤᠭᠠᠨ ᠱᠠᠪᠢ ᠪᠠᠨ ᠭᠠᠷᠭᠠᠵᠦ ᠲᠤᠰᠤᠯ ᠪᠠᠳᠢᠷ ᠡᠷᠢᠭᠦᠯᠥᠭᠰᠡᠭᠡᠷ ᠦᠪᠤᠷ ᠲᠥᠴᠢ ᠶᠢᠰᠤᠨ ᠬᠤᠰᠢᠭᠤ ᠠᠴᠠ ᠨᠢᠬᠡ ᠬᠥᠬᠡ ᠪᠤᠬ᠎ᠠ ᠶᠢ ᠪᠠᠳᠢᠷ ᠲᠤ ᠤᠯᠵᠠᠢ᠃ ᠪᠤᠬ᠎ᠠ ᠶᠢᠨ ᠡᠪᠡᠷ ᠢᠶᠠᠷ ᠨᠢ ᠬᠤᠨᠭ᠍ᠬᠤ ᠬᠢᠵᠦ᠂ ᠭᠠᠪᠠᠯᠠ ᠪᠠᠷ ᠨᠢ ᠲᠠᠮᠠᠷᠤ ᠵᠤᠬᠢᠶᠠᠵᠦ ᠠᠷᠠᠰᠤ ᠪᠠᠷ ᠨᠢ ᠲᠠᠮᠠᠷᠤ ᠪᠠᠨ ᠪᠥᠷᠢᠪᠡ᠃ ᠴᠢᠩᠭᠢᠭᠡᠳ ᠲᠠᠪᠤᠨ ᠱᠠᠪᠢ ᠪᠠᠨ ᠲᠠᠮᠠᠷᠤ ᠳᠤ ᠪᠠᠨ ᠬᠢᠵᠦ ᠬᠤᠶᠠᠷ ᠱᠠᠪᠢ ᠪᠠᠨ ᠬᠤᠨᠭ᠍ᠬᠤ ᠳᠤ ᠪᠠᠨ ᠤᠷᠤᠭᠤᠯᠵᠦ᠂ ᠥᠪᠡᠷ ᠢᠶᠠᠨ ᠪᠠᠰᠠ ᠨᠢᠭᠡ ᠬᠤᠨᠭ᠍ᠬᠤᠨ ᠳᠤ ᠪᠠᠨ ᠨᠢᠭᠤᠭᠠᠳ ᠠᠮᠢ ᠨᠢ ᠭᠠᠷᠴᠤ ᠬᠡᠨ᠎ᠡ︾᠃     ᠡᠪᠡᠷ ᠰᠤᠶᠤᠯ ᠤᠨ ᠢᠵᠠᠭᠤᠷ ᠰᠡᠳᠬᠢᠬᠦᠢ     ᠮᠤᠩᠭᠤᠯᠴᠤᠳ ᠤᠨ ᠡᠪᠡᠷ ᠢ ᠡᠷᠬᠢᠮᠯᠡᠨ ᠲᠡᠭᠡᠳᠤᠯᠡᠨ ᠰᠢᠳᠥᠬᠦ ᠪᠤᠶᠤ ᠵᠠᠰᠠᠯ ᠵᠢᠮᠰᠡᠭ᠂ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠪᠤᠯᠭᠠᠨ ᠬᠡᠷᠡᠭᠯᠡᠬᠦ ᠨᠢ ᠲᠤᠤᠷᠠᠬᠢ ᠰᠢᠯᠳᠠᠭᠠᠨ ᠪᠤᠢ᠃     ᠨᠢᠭᠡ ᠳᠤ᠂ ᠡᠪᠡᠷ ᠢ ᠠᠮᠢ ᠰᠥᠨᠡᠰᠤ ᠤᠷᠤᠰᠢᠬᠤ ᠭᠠᠵᠠᠷ ᠬᠡᠬᠦ ᠡᠷᠳᠡᠨ ᠤ ᠰᠥᠨᠡᠰᠤᠨ ᠥᠵᠡᠯᠳᠡ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ᠃ ᠡᠷᠳᠡᠨ ᠤ ᠮᠤᠩᠭᠤᠯᠴᠤᠳ ︽ᠲᠥᠮᠡᠨ ᠪᠤᠳᠠᠰ ᠰᠥᠭ ᠰᠥᠨᠡᠰᠤ ᠲᠠᠢ︾ ᠬᠡᠮᠡᠨ ᠢᠳᠡᠭᠡᠳᠡᠭ ᠪᠠᠶᠢᠭᠠᠯᠢ ᠶᠢᠨ ᠰᠢᠳᠥᠯᠭᠡ ᠶᠢᠨ ᠡᠬᠦᠳᠡᠨ ᠠᠴᠠ ᠬᠥᠮᠥᠨ ᠠᠮᠢᠳᠠᠨ ᠤ ᠰᠥᠨᠡᠰᠤ ᠨᠢ ᠶᠠᠮᠠᠷ ᠨᠢᠭᠡ ᠮᠥᠴᠢ ᠡᠷᠬᠡᠳᠡᠨ ᠳᠤ ᠤᠷᠤᠰᠢᠳᠠᠭ ᠬᠡᠵᠦ ᠥᠵᠡᠬᠡᠳ ᠲᠡᠷᠡ ᠬᠦ ᠰᠥᠨᠡᠰᠤ ᠤᠷᠤᠰᠢᠳᠠᠭ ᠡᠷᠬᠡᠳᠡᠨ ᠢ ᠲᠡᠭᠡᠳᠤᠯᠡᠨ ᠬᠥᠨᠳᠤᠯᠡᠬᠦ ᠪᠤᠶᠤ ᠴᠢᠨᠠᠭᠰᠢᠳᠠ ᠲᠡᠬᠡᠳᠤᠯᠡᠨ ᠰᠢᠳᠥᠳᠡᠭ ᠪᠠᠶᠢᠪᠠ᠃ ᠡᠭᠢᠨ ᠳᠤ ᠡᠪᠡᠷ ᠨᠢ ᠡᠨᠡ ᠬᠤᠪᠢ ᠪᠠᠷ ᠰᠢᠳᠥᠭᠳᠡᠵᠦ ᠪᠠᠶᠢᠵᠠᠢ᠃     ᠬᠤᠶᠠᠷ ᠲᠤ᠂ ᠡᠪᠡᠷ ᠢ ᠲᠤᠲ᠋ᠧᠮ ᠰᠢᠳᠥᠯᠭᠡ ᠶᠢᠨ ᠪᠡᠯᠭᠡᠳᠡᠯ ᠢᠶᠠᠷ ᠥᠵᠡᠭᠰᠡᠨ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ᠃ ︽ᠬᠡᠤᠬᠡᠳ ᠲᠤ ᠡᠪᠡᠷ ᠥᠰᠥ ᠲᠠᠯᠪᠢᠬᠤ᠂ ᠡᠷᠳᠡ ᠦᠶ᠎ᠡ ᠳᠤ ᠴᠤᠯᠠ ᠬᠡᠷᠬᠢᠮ ᠲᠤᠰᠢᠶᠠᠯᠳᠠᠨ ᠤ ᠲᠡᠮᠳᠡᠭ ᠪᠤᠯᠭᠠᠨ ᠡᠪᠡᠷ ᠵᠡᠬᠦᠬᠦ ᠶᠤᠰᠤᠨ ᠤ ᠠᠯᠢ ᠠᠯᠢ ᠨᠢ ᠲᠤᠲ᠋ᠧᠮ ᠰᠢᠳᠥᠯᠭᠡ ᠶᠢᠨ ᠪᠡᠯᠭᠡᠳᠡᠯ ᠪᠤᠯᠤᠭᠰᠠᠨ ᠡᠪᠡᠷ ᠢ ᠷᠢᠳᠢ ᠰᠢᠳᠢ ᠲᠠᠢ ᠳᠤ ᠨᠢ ᠲᠤᠭᠠᠴᠠᠨ ᠰᠢᠳᠥᠬᠦ ᠶᠤᠰᠤ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ︾ ᠬᠡᠵᠦ ᠭ᠊ · ᠰᠠᠮᠫᠢᠯᠳᠠᠨᠵᠠᠪ ︽ᠮᠠᠯᠴᠢᠨ ᠠᠷᠠᠳ ᠤᠨ ᠵᠠᠩ ᠤᠢᠢᠯᠠ ᠶᠢᠨ ᠤᠯᠠᠮᠵᠢᠯᠠᠯ︾ ᠬᠡᠬᠦ ᠨᠤᠮ ᠳᠤ ᠪᠠᠨ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ᠃     ᠭᠤᠷᠪᠠ ᠳᠤ᠂ ᠡᠪᠡᠷ ᠨᠢ ᠠᠮᠢᠳᠠᠨ ᠤ ᠴᠤᠭ ᠵᠢᠪᠬᠤᠭ᠎ᠠ᠂ ᠰᠥᠷ ᠬᠥᠴᠥᠨ ᠪᠤᠯᠤᠨ ᠭᠤᠸ᠎ᠠ ᠰᠠᠶᠢᠬᠠᠨ ᠢ ᠢᠯᠡᠷᠡᠭᠦᠯᠳᠡᠭ ᠢᠶᠠᠷ ᠢᠶᠠᠨ ᠬᠥᠮᠥᠰ ᠲᠤ ᠪᠠᠭ᠋ᠠᠳᠤᠨ ᠪᠢᠰᠢᠷᠡᠭᠳᠡᠵᠦ ᠲᠡᠬᠡᠳᠤᠯᠡᠨ ᠬᠥᠨᠳᠤᠳᠬᠡᠭᠳᠡᠳᠡᠭ ᠠᠴᠠ ᠭᠠᠳᠠᠨ᠎ᠠ ᠬᠥᠮᠤᠨ ᠠᠮᠢᠳᠠᠨ ᠤ ᠥᠷᠡᠵᠢᠯ ᠬᠥᠭᠵᠢᠯ ᠢ ᠬᠥᠰᠡᠵᠦ ᠪᠡᠯᠭᠡᠰᠢᠶᠡᠭᠰᠡᠨ ᠰᠠᠨᠠᠭ᠎ᠠ ᠠᠭᠤᠯᠤᠭᠳᠠᠵᠦ ᠪᠠᠶᠢᠬᠤ ᠨᠢ ᠠᠩᠬᠠᠷᠤᠭᠤᠰᠢᠳᠠᠢ ᠶᠤᠮ᠃       ᠲᠥᠷᠪᠡ ᠳᠤ᠂ ᠡᠪᠡᠷ ᠤᠨ ᠥᠪᠡᠷ ᠤᠨ ᠬᠢᠨᠢ ᠴᠢᠨᠠᠷ ᠥᠵᠥᠭᠦᠷᠯᠢᠭ ᠬᠠᠳᠠᠭᠤ ᠪᠠᠶᠢᠬᠤ ᠠᠴᠠ ᠪᠤᠯᠤᠭᠰᠠᠨ᠃ ᠡᠪᠡᠷ ᠨᠢ ᠠᠮᠢᠳᠠᠨ ᠤ ᠬᠠᠳᠠᠭᠤ ᠥᠵᠥᠭᠦᠷᠯᠢᠭ ᠡᠷᠬᠡᠳᠡᠨ ᠪᠤᠯᠬᠤᠷ ᠨᠥᠬᠦᠬᠡ ᠡᠳᠡᠭᠡᠳ ᠢᠶᠠᠨ ᠠᠶᠤᠯᠭᠠᠨ ᠰᠥᠷᠳᠡᠬᠦᠯᠬᠦ ᠪᠤᠶᠤ ᠢᠯᠠᠳᠠᠭ ᠵᠡᠪᠰᠡᠭ ᠪᠤᠯᠵᠦ ᠪᠠᠶᠢᠪᠠ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠮᠤᠩᠭᠤᠯᠴᠤᠳ ᠤᠨ ᠲᠤᠭᠠᠨ ᠤ ᠰᠤᠶᠤᠯ᠂ ᠪᠠᠯᠠᠷᠯᠢᠭ ᠱᠠᠰᠢᠨ ᠤ ᠤᠬᠠᠮᠰᠠᠷ ᠵᠡᠷᠭᠡ ᠤᠯᠠᠨ ᠰᠤᠶᠤᠯ ᠰᠡᠳᠬᠢᠬᠦᠢ ᠲᠠᠢ ᠠᠭᠤᠰᠤᠨ ᠨᠢᠭᠡᠳᠤᠭᠡᠳ ᠡᠪᠡᠷ ᠰᠤᠶᠤᠯ ᠢ ᠪᠤᠢ ᠪᠤᠯᠭᠠᠭᠰᠠᠨ ᠶᠤᠮ᠃                                           ᠵᠣᠬᠢᠶᠠᠭᠴᠢ᠄ ᠮᠦ᠊ · ᠰᠠᠶᠢᠵᠢᠷᠠᠬᠤ    
ᠢᠷᠡᠯᠲᠡ᠄ ᠳᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶ᠎ᠡ