| ᠠᠩᠬᠠᠨ ᠤ ᠴᠠᠰᠤ ᠵᠢᠯ ᠪᠣᠯᠭᠠᠨ ᠴᠣ ᠰᠢᠨᠡ ᠭᠦᠭ ᠠᠶᠠᠰ᠂ ᠮᠥᠩᠬᠡ ᠶᠢᠨ ᠴᠠᠭᠠᠨ ᠥᠩᠭᠡ ᠪᠠᠷ ᠢᠶᠠᠨ ᠪᠡᠶᠡ ᠰᠡᠳᠬᠢᠯ ᠢ ᠮᠢᠨᠢ ᠰᠡᠷᠡᠭᠡᠨ ᠳᠤᠯᠠᠶᠢᠯᠭᠠᠳᠠᠭ ᠶᠤᠮ | ᠰᠠᠨ᠃ | ᠪᠢ 2014 ᠣᠨ ᠤ 2 ᠰᠠᠷᠠ ᠶᠢᠨ 8 ᠤ ᠡᠳᠦᠷ ᠤᠨ ᠠᠩᠬᠠᠨ ᠤ ᠴᠠᠰᠤᠨ ᠳᠤ ᠵᠣᠷᠢᠭᠤᠯᠵᠤ᠂ ︽ᠢᠷᠡᠭᠡᠳᠦᠢ ᠶᠢ ᠮᠢᠨᠢ ᠴᠠᠶᠢᠳᠠᠯᠠ ᠣᠷᠣᠭᠰᠠᠨ ᠶᠤᠮ ᠰᠠᠨ︾ | ᠂ ︽ᠰᠠᠨᠴᠢᠭ ᠢ ᠮᠢᠨᠢ ᠬᠠᠷᠠᠯᠠᠲᠠᠯᠠ ᠣᠷᠣᠭᠰᠠᠨ ᠶᠤᠮ ᠰᠠᠨ︾ ᠭᠡᠵᠦ ᠲᠡᠰᠬᠡᠯ ᠦᠭᠡᠢ ᠳᠣᠭᠳᠣᠯᠤᠨ ᠪᠢᠴᠢᠭᠰᠡᠨ ᠤᠳᠠᠭᠠ ᠲᠠᠢ᠃ ᠲᠠᠪᠢ ᠶᠢᠨ ᠳᠠᠪᠠᠭᠠ ᠶᠢ | ᠳᠠᠪᠠᠴᠢᠬᠠᠭᠠᠳ ᠴᠦ ᠭᠡᠰᠡᠨ ᠲᠡᠭᠡᠵᠦ ᠶᠡᠭᠡ ᠳᠣᠭᠳᠣᠯᠤᠨᠠ ᠭᠡᠵᠦ᠂ ᠠᠩᠬᠠᠨ ᠤ ᠴᠠᠰᠤᠨ ᠤ ᠷᠢᠳᠢ ᠰᠢᠳᠢ ᠪᠠᠷ ᠯᠡ ᠪᠠᠶᠢᠬᠠ ᠠ᠋ ᠭᠡᠵᠦ ᠪᠤᠳᠤᠳᠠᠭ᠃ | ᠶᠠᠭ ᠦᠨᠡᠨ ᠢ ᠬᠡᠯᠡᠪᠡᠯ᠂ ᠤᠳᠠᠭᠠ ᠪᠣᠯᠭᠠᠨ ᠤ ᠴᠠᠰᠤ ᠶᠢ ᠪᠦᠷ ᠠᠩᠬᠠᠨ ᠤ ᠭᠡᠬᠦ ᠳᠤ ᠠᠬᠠᠳᠠᠬᠤ ᠪᠠᠷ ᠦᠭᠡᠢ ᠪᠢᠯᠡ᠃ ᠠᠩᠬᠠᠨ ᠤ ᠪᠢᠰᠢ ᠶᠤᠮ ᠪᠣᠯ᠂ | ᠴᠠᠭᠯᠠᠰᠢ ᠦᠭᠡᠢ ᠠᠷᠢᠭᠤᠨ ᠴᠠᠭᠠᠨ ᠢ ᠨᠢ ᠪᠢᠳᠡ ᠬᠡᠷᠬᠢᠨ ᠲᠠᠶᠢᠯᠪᠤᠷᠢᠯᠠᠬᠤ ᠪᠢᠯᠡ ᠠ᠋᠃ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠤᠳᠠᠭᠠ ᠪᠣᠯᠭᠠᠨ ᠴᠥᠮ ᠠᠩᠬᠠᠨ ᠤ | ᠪᠣᠯᠬᠤᠷ ᠢᠶᠠᠨ ᠴᠠᠰᠤ ᠬᠡᠵᠢᠶᠡᠳᠡ ᠠᠷᠢᠭᠤᠨ ᠴᠠᠭᠠᠨ ᠪᠠᠶᠢᠳᠠᠭ ᠰᠠᠨ᠃ | ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠶᠢᠨ ᠬᠠᠯᠲᠠᠷ ᠪᠤᠯᠳᠠᠷ ᠢ ᠨᠢ ᠨᠠᠮᠤᠭᠤᠬᠠᠨ ᠳᠠᠷᠤᠵᠤ ᠡᠩ ᠳᠤᠨᠢ ᠴᠠᠶᠢᠯᠭᠠᠬᠤ ᠪᠥᠭᠡᠳ ︽ᠠᠩ ᠴᠠᠪᠠ︾ ᠶᠢ ᠨᠢ ᠭᠦᠷᠳᠡᠯᠡ ᠠᠶᠠᠲᠠᠶᠢᠬᠠᠨ | ᠠᠨᠠᠭᠠᠨ ᠭᠠᠩᠨᠠᠳᠠᠭ ᠪᠣᠯᠬᠤᠷ ᠢᠶᠠᠨ ᠴᠠᠰᠤ ᠰᠠᠶᠢᠬᠠᠨ᠃ ᠬᠠᠯᠲᠠᠷ ᠪᠤᠯᠳᠠᠷ᠂ ︽ᠠᠩ ᠴᠠᠪᠠ︾ ᠶᠢ ᠨᠢ ᠵᠦᠭᠡᠷ ᠯᠡ ᠨᠢᠭᠡ ᠳᠦᠷ ᠵᠠᠭᠤᠷᠠ ᠬᠤᠴᠢᠵᠤ ᠬᠠᠯᠬᠠᠯᠠᠭᠠᠳ | ᠳᠥᠩᠭᠡᠵᠦ ᠠᠷᠭᠠᠴᠠᠭᠠᠵᠤ ᠪᠠᠶᠢᠭᠠ ᠪᠢᠰᠢ᠂ ᠬᠠᠷᠢᠨ ᠠᠮᠢᠯᠠᠯ ᠤᠨ ᠰᠢᠮᠡ ᠶᠢ ᠲᠡᠭᠦᠯᠳᠡᠷ ᠠᠭᠤᠯᠤᠭᠰᠠᠨ ᠠᠷᠢᠭᠤᠨ ᠴᠠᠭᠠᠨ ᠢᠶᠠᠷ ᠢᠶᠠᠨ ᠠᠷᠢᠭᠤᠰᠬᠠᠨ ᠪᠠᠯᠠᠯᠵᠤ᠂ | ᠰᠢᠨᠡᠬᠡᠨ ᠬᠠᠭᠤᠳᠠᠰᠤ ᠶᠢ ᠨᠢ ᠳᠡᠯᠭᠡᠨ ᠨᠡᠭᠡᠭᠡᠭᠡᠳ ᠴᠠᠭᠠᠨ ᠮᠥᠷ ᠲᠠᠢ ᠪᠣᠯᠭᠠᠳᠠᠭ ᠲᠤᠯᠠᠳᠠ ᠪᠠᠨ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃ | ᠭᠦᠭ ᠱᠤᠤᠭᠢᠶᠠᠨ ᠢ ᠰᠢᠩᠭᠡᠬᠡᠨ ᠨᠠᠮᠳᠠᠭᠤᠯᠵᠤ᠂ ᠶᠢᠷᠲᠢᠨᠴᠦ ᠶᠢᠨ ᠤᠴᠢᠷ ᠢ ᠳᠦᠷ ᠵᠠᠭᠤᠷᠠ ᠴᠦ ᠭᠡᠰᠡᠨ ᠰᠡᠷᠭᠡᠭ ᠪᠥᠭᠡᠳ ᠭᠦᠨ ᠮᠡᠳᠡᠷᠡᠬᠦ ᠪᠣᠯᠣᠮᠵᠢ ᠣᠯᠭᠤᠨ | ᠠᠶᠠᠷᠬᠠᠨ ᠣᠷᠣᠳᠠᠭ ᠪᠣᠯᠬᠤᠷ ᠢᠶᠠᠨ ᠴᠠᠰᠤ ᠰᠠᠶᠢᠬᠠᠨ᠃ ᠲᠡᠷᠡ ᠮᠥᠴᠡ ᠳᠤ᠂ ᠬᠠᠶᠠ ᠲᠤᠭᠤᠯᠳᠠᠬᠤ ᠮᠣᠷᠢᠨ ᠤ ᠢᠨᠴᠠᠭᠠᠯᠳᠠ᠂ ᠨᠣᠬᠠᠢ ᠶᠢᠨ ᠬᠤᠴᠠᠯᠳᠠ᠂ | ᠰᠢᠪᠠᠭᠤᠨ ᠤ ᠵᠢᠷᠭᠢᠯᠳᠡ ᠲᠡᠷᠢᠭᠦᠲᠡᠨ ᠳᠠᠭᠤ ᠠᠨᠢᠷ ᠤᠳ ᠶᠡᠭᠡ ᠯᠡ ᠠᠶᠠᠲᠠᠶᠢᠬᠠᠨ ᠬᠤᠯᠠ ᠰᠣᠨᠣᠰᠳᠠᠬᠤ ᠪᠥᠭᠡᠳ ᠬᠠᠮᠢᠭᠠ ᠨᠢᠭᠡ ᠤᠳᠤᠭᠠᠳ᠂ ᠬᠡᠨ | ᠨᠢᠭᠡᠨ ᠲᠠᠢ ᠪᠠᠨ ᠠᠭᠤᠯᠵᠠᠵᠤ ᠤᠴᠠᠷᠠᠮᠠᠷ ᠴᠦ ᠶᠤᠮ ᠰᠢᠭ᠋ ᠪᠤᠳᠤᠬᠳᠠᠭᠤᠯᠤᠨᠠ᠃ ᠴᠠᠰᠤ ᠶᠢ ᠭᠡᠰᠴᠦ ᠬᠠᠶᠢᠯᠬᠤ ᠪᠠᠷ ᠨᠢ ᠠᠯᠳᠠᠨ ᠳᠡᠯᠡᠬᠡᠢ ᠠᠬᠢᠭᠠᠳ ᠯᠡ ᠬᠥᠭᠵᠢᠨ | ᠱᠤᠤᠭᠢᠭᠠᠳ ᠳᠣᠲᠣᠭᠤᠷ ᠭᠠᠳᠠᠭᠤᠷ ᠢᠶᠠᠨ ᠪᠦᠷ ᠳᠣᠯᠭᠢᠶᠠᠯᠠᠨ ᠳᠠᠪᠠᠯᠭᠠᠯᠠᠭᠠᠳ ᠥᠷᠨᠢᠭᠦᠨ ᠬᠥᠭᠵᠢᠯᠲᠡᠢ ᠪᠤᠯᠳᠠᠭ ᠵᠢᠮᠡ ᠲᠠᠢ᠃ | ᠮᠡᠳᠡᠭᠡᠵᠢ᠂ ᠬᠥᠮᠥᠨ ᠤ ᠣᠷᠴᠢᠯᠠᠩ ᠤᠨ ᠴᠠᠰᠤ ᠳᠠᠩᠳᠠ ᠪᠠᠨ ᠨᠠᠮᠤᠭᠤᠬᠠᠨ ᠣᠷᠣᠭᠠᠳ ᠪᠠᠶᠢᠳᠠᠭ ᠪᠢᠰᠢ᠂ ᠬᠠᠶᠠ ᠪᠦᠷ ᠭᠠᠵᠠᠷ ᠲᠡᠭᠷᠢ ᠶᠢ ᠨᠡᠶᠢᠯᠡᠲᠡᠯᠡ ᠨᠢ᠂ | ᠭᠠᠯᠪᠠ ᠳᠡᠯᠡᠬᠡᠢ ᠶᠢ ᠬᠡᠶᠢᠰᠲᠡᠯᠡ ᠨᠢ ᠬᠦᠴᠦᠲᠡᠢ ᠰᠢᠭᠤᠷᠳᠠᠭ ᠪᠢᠯᠡ᠃ ᠬᠡᠳᠦ᠋ᠢᠪᠡᠷ ᠴᠠᠰᠤᠨ ᠰᠢᠭᠤᠷᠭᠠ ᠭᠡᠵᠦ ︽ᠴᠠᠭᠠᠨ ᠵᠤᠳ︾ ᠨᠠᠷᠠᠲᠠᠢ ᠪᠤᠯᠪᠠᠴᠦ᠂ | ᠶᠠᠭᠤᠨ ᠳᠤ ᠴᠦ ᠦᠯᠦ ᠡᠷᠬᠡᠰᠢᠶᠡᠭᠳᠡᠬᠦ ᠠᠤᠭᠠ ᠶᠡᠭᠡ ᠬᠦᠴᠦᠨ ᠢ ᠮᠡᠳᠡᠷᠡᠭᠦᠯᠬᠦ ᠲᠡᠳᠦᠢ ᠦᠭᠡᠢ᠂ ᠬᠡᠷᠡᠯᠳᠦ ᠴᠠᠭᠠᠨ ᠰᠠᠷᠠᠨ ᠢ ᠪᠦᠷ ᠽᠠᠮᠪᠤᠯᠢᠩ ᠤᠨ ᠣᠷᠣᠨ ᠵᠠᠢ ᠳᠤ | ᠪᠤᠲᠠᠷᠠᠳᠠᠯᠠ ᠨᠢ ᠬᠤᠶᠢᠯᠠᠷᠠᠭᠤᠯᠵᠤ ᠪᠠᠶᠢᠭᠠ ᠰᠢᠭ᠋ ᠷᠣᠮᠠᠨᠲ᠋ᠢᠭ ᠰᠠᠨᠠᠭᠳᠠᠭᠤᠯᠬᠤ ᠨᠢ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠭᠠᠶᠢᠬᠠᠮᠰᠢᠭ ᠢ ᠥᠭᠡᠷᠡ ᠲᠠᠯᠠ ᠠᠴᠠ ᠨᠢ ᠭᠦᠨᠵᠡᠭᠡᠢ | ᠮᠡᠳᠡᠷᠡᠭᠦᠯᠳᠡᠭ ᠪᠣᠯᠬᠤᠷ ᠢᠶᠠᠨ ᠪᠠᠰᠠ ᠰᠠᠶᠢᠬᠠᠨ᠃ | ᠤᠰᠤᠨ ᠤ ᠭᠡᠯᠪᠡᠷᠢ ᠨᠦᠭᠦᠳ ᠤᠨ ᠳᠤᠮᠳᠠ ᠪᠠᠨ ᠴᠠᠰᠤᠨ ᠤ ᠯᠠᠪᠰᠠ ᠭᠡᠵᠦ ᠬᠠᠮᠤᠭ ᠤᠨ ᠰᠠᠶᠢᠬᠠᠨ ᠨᠢ᠃ ᠨᠢᠭᠡᠨ ᠰᠢᠯᠦᠭ ᠤᠨ ᠨᠣᠮ ᠢᠶᠠᠨ ᠭᠦᠷᠳᠡᠯᠡ ᠪᠢ ︽ | ᠴᠠᠰᠤᠨ ᠤ ᠮᠠᠷᠺ︾ ᠭᠡᠵᠦ ᠨᠡᠷᠡᠯᠡᠭᠰᠡᠨ ᠮᠢᠨᠢ ᠡᠶᠢᠮᠦ ᠤᠴᠢᠷᠲᠠᠢ᠃ ᠴᠠᠭᠠᠰᠤᠨ ᠳᠡᠭᠡᠷᠡ ᠪᠢᠴᠢᠵᠦ ᠳᠤᠭᠲᠤᠢ ᠳᠤ ᠬᠢᠭᠰᠡᠨ ᠪᠢᠰᠢ᠂ ᠬᠠᠷᠢᠨ ᠪᠣᠯᠣᠷ ᠤᠨ ᠬᠡᠷᠡᠯᠳᠦ | ᠮᠠᠷᠺ ᠤᠳ ᠤᠨ ᠳᠣᠲᠣᠷᠠ ᠰᠢᠭᠤᠳ ᠪᠢᠴᠢᠭᠰᠡᠨ ᠬᠥᠬᠡ ᠲᠡᠭᠷᠢ ᠶᠢᠨ ᠲᠤᠭᠠ ᠲᠣᠮᠰᠢ ᠦᠭᠡᠢ ᠵᠠᠬᠢᠶᠠ ᠨᠤᠭᠤᠳ ᠢ ᠡᠭᠦᠯᠡᠨ ᠰᠢᠤᠳᠠᠨ ᠡᠬᠡ ᠭᠠᠵᠠᠷ ᠲᠤ ᠲᠦᠭᠡᠭᠡᠨ | ᠰᠠᠴᠤᠳᠠᠭ ᠰᠠᠨ᠃ ᠲᠡᠷᠡ ᠵᠠᠬᠢᠶᠠ ᠨᠤᠭᠤᠳ ᠢ ᠨᠢ ᠨᠢᠳᠦᠯᠡᠨ ᠤᠩᠰᠢᠭᠠᠳ ᠴᠡᠭᠡᠵᠢᠯᠡᠨ ᠬᠠᠳᠠᠩᠰᠢᠭᠤᠯᠳᠠᠭ ᠨᠢ ᠡᠪᠡᠰᠦ ᠮᠣᠳᠣᠳ᠂ ᠨᠠᠪᠴᠢ ᠴᠡᠴᠡᠭᠡᠰ ᠁ | ᠤᠩᠰᠢᠬᠤ ᠲᠤᠳᠤᠮ ᠨᠢ ᠴᠠᠰᠤ ᠤᠶᠠᠷᠠᠨ ᠬᠠᠶᠢᠯᠤᠨᠠ᠃ ᠳᠠᠷᠤᠭᠰᠠᠨ ᠴᠠᠰᠤ ᠬᠠᠶᠢᠯᠤᠭᠠᠳ ᠭᠠᠵᠠᠷ ᠡᠷᠢᠶᠡᠨᠲᠦᠬᠦ ᠶᠢ ︽ᠴᠠᠰᠤ ᠨᠢᠳᠦᠯᠡᠨᠡ︾ ᠬᠡᠮᠡᠳᠡᠭ ᠨᠢ ᠴᠦ ᠶᠡᠭᠡ | ᠤᠴᠢᠷᠲᠠᠢ ᠰᠠᠨᠠᠭᠳᠠᠨᠠᠮ᠃ | ︽ᠴᠠᠰᠤ ᠬᠠᠨᠵᠠᠷᠠᠬᠤ︾ ᠭᠡᠰᠡᠨ ᠰᠣᠨᠢᠷᠬᠠᠯᠲᠠᠢ ᠦᠭᠡ ᠪᠤᠢ᠃ ︽ᠬᠠᠨᠵᠠᠷᠠᠬᠤ︾ ᠭᠡᠳᠡᠭ ᠦᠢᠯᠡ ᠦᠭᠡ ᠨᠢ ᠶᠠᠭᠤᠮᠠᠨ ᠤ ᠣᠶᠣᠳᠠᠯ ᠵᠦᠢᠳᠡᠯ ᠤᠨ | ᠵᠠᠳᠠᠷᠠᠬᠤ ᠶᠢ ᠬᠡᠯᠡᠳᠡᠭ ᠶᠤᠮ ᠪᠣᠯ᠂ ︽ᠴᠠᠰᠤ ᠬᠠᠨᠵᠠᠷᠠᠬᠤ︾ ᠶᠢ ᠨᠢ ︽ᠪᠢᠲᠡᠭᠦᠦ ᠴᠠᠰᠤ ᠬᠠᠶᠢᠯᠵᠤ ᠴᠣᠬᠤᠷ ᠪᠣᠯᠵᠤ ᠡᠬᠢᠯᠡᠬᠦ︾ ᠭᠡᠵᠦ ᠲᠣᠯᠢ ᠪᠢᠴᠢᠭ ᠲᠤ | ᠲᠠᠶᠢᠯᠪᠤᠷᠢᠯᠠᠳᠠᠭ ᠪᠢᠯᠡ᠃ ᠬᠠᠨᠵᠠᠷᠠᠬᠤ ᠦᠢᠯᠡ ᠪᠠᠶᠢᠪᠠᠯ ᠯᠠᠪ ᠬᠠᠨᠵᠠᠯᠬᠤ ᠦᠢᠯᠡ ᠴᠦ ᠪᠠᠶᠢᠨᠠ ᠪᠢᠵᠡ ᠠ᠋᠃ ᠨᠠᠷᠠ ᠰᠠᠷᠠ ᠤᠳᠤᠨ ᠤ ᠭᠡᠷᠡᠯ ᠭᠡᠭᠡ᠂ ᠰᠠᠯᠬᠢᠨ ᠤ | ᠢᠯᠪᠢᠯᠲᠡ᠂ ᠰᠢᠪᠠᠭᠤᠳ ᠤᠨ ᠬᠤᠰᠢᠭᠤ ᠪᠠ ᠰᠠᠪᠠᠷ᠂ ᠠᠳᠤᠭᠤᠰᠤ ᠠᠮᠢᠲᠠᠳ ᠤᠨ ᠬᠤᠰᠢᠭᠤ ᠬᠢᠭᠡᠳ ᠲᠤᠭᠤᠷᠠᠢ᠂ ᠬᠥᠮᠥᠨ ᠤ ᠮᠥᠷ ᠁ ᠲᠡᠷᠡ ᠴᠦ | ᠪᠠᠶᠢᠲᠤᠭᠠᠢ ᠪᠠᠷᠠᠭᠤᠨ ᠭᠠᠷ ᠤᠨ ᠮᠢᠨᠢ ᠳᠣᠯᠢᠶᠠᠪᠤᠷ ᠬᠤᠷᠤᠭᠤ ᠭᠦᠷᠳᠡᠯᠡ ᠴᠠᠰᠤᠨ ᠤ ᠣᠶᠣᠳᠠᠯ ᠵᠦᠢᠳᠡᠯ ᠢ ᠬᠠᠨᠵᠠᠯᠵᠦ ᠵᠠᠳᠠᠯᠬᠤ ᠦᠢᠯᠡ ᠳᠤ ᠣᠷᠣᠯᠴᠠᠳᠠᠭ | ᠪᠦᠯᠦᠭᠡ᠃ ᠲᠡᠭᠡᠭᠡᠳ ᠯᠡ ᠴᠠᠭᠠᠨᠠ ᠠᠴᠠ ᠨᠢ ᠴᠠᠰᠤᠨ ᠤ ᠰᠢᠨᠡᠳᠬᠡᠭᠰᠡᠨ ᠳᠡᠯᠡᠬᠡᠢ ᠲᠣᠳᠣᠷᠠᠳᠠᠭ ᠰᠠᠨ᠃ | ᠠᠩᠬᠠᠨ ᠤ ᠴᠠᠰᠤ ᠨᠢ ᠠᠩᠬᠠᠨ ᠤ ᠬᠠᠶᠢᠷᠠ ᠰᠢᠭ᠋ ᠬᠥᠮᠥᠨ ᠤ ᠨᠢᠭᠡ ᠨᠠᠰᠤᠨ ᠤ ᠠᠩᠬᠠᠨ ᠤ ᠲᠣᠬᠢᠶᠠᠯᠳᠤᠯ ᠪᠢᠰᠢ ᠪᠤᠯᠪᠠᠴᠦ᠂ ᠴᠠᠰᠤᠨ ᠤ ᠬᠤᠪᠢ ᠳᠤ ᠨᠢᠭᠡ | ᠵᠢᠯ ᠢ ᠨᠢᠭᠡ ᠨᠠᠰᠤ ᠨᠢ ᠭᠡᠬᠦ ᠳᠤ ᠪᠤᠷᠤᠭᠤᠳᠠᠬᠤ ᠦᠭᠡᠢ ᠪᠠᠶᠢᠬᠠ ᠠ᠋᠃ ᠶᠠᠭ ᠡᠶᠢᠮᠦ ᠪᠣᠯᠬᠤᠷ ᠢᠶᠠᠨ ᠬᠥᠮᠥᠨ ᠪᠢᠳᠡ ᠵᠢᠯ ᠪᠦᠷᠢ ᠶᠢᠨ ᠠᠩᠬᠠᠨ ᠤ ᠴᠠᠰᠤ ᠶᠢ | ᠠᠩᠬᠠᠨ ᠤ ᠬᠠᠶᠢᠷᠠ ᠪᠠᠨ ᠰᠢᠭ᠋ ᠨᠠᠨᠳᠢᠩᠨᠠᠨ ᠡᠷᠬᠢᠮᠨᠡᠵᠦ᠂ ᠳᠠᠭᠤᠤ ᠰᠢᠯᠦᠭ ᠵᠢᠷᠤᠭ ᠪᠢᠴᠢᠯᠭᠡ ᠪᠠᠷ ᠢᠶᠠᠨ ᠠᠮᠵᠢᠨ ᠲᠡᠮᠳᠡᠭᠯᠡᠭᠡᠳ᠂ ᠰᠣᠳᠣᠨ ᠰᠢᠨᠡᠯᠢᠭ ᠮᠡᠳᠡᠷᠡᠮᠵᠢ ᠪᠠᠨ | ᠬᠤᠪᠢᠶᠠᠯᠴᠠᠨ ᠦᠢ ᠣᠯᠠᠨᠠ ᠳᠠᠭᠤᠷᠢᠰᠬᠠᠳᠠᠭ ᠤᠴᠢᠷᠲᠠᠢ᠃ ᠭᠠᠷ ᠰᠡᠳᠬᠢᠯ ᠤᠨ ᠤᠷᠠ ᠪᠠᠨ ᠭᠠᠶᠢᠬᠠᠭᠤᠯᠵᠤ᠂ ᠭᠤᠳᠤᠮᠵᠢᠨ ᠤ ᠥᠨᠴᠥᠭ ᠪᠤᠯᠤᠩ᠂ ᠪᠡᠯᠴᠢᠭᠡᠷ ᠤᠨ | ᠵᠠᠬᠠ᠂ ᠮᠠᠩᠬᠠᠨ ᠤ ᠣᠷᠣᠢ᠂ ᠡᠰᠡᠬᠦᠯᠡ ᠬᠦᠷᠢᠶᠡ ᠬᠠᠰᠢᠶᠠᠨ ᠤ ᠪᠠᠨ ᠡᠭᠦᠳᠡᠨ ᠳᠤ ᠁ ᠴᠠᠰᠤᠨ ᠬᠥᠮᠥᠨ ᠤᠷᠠᠯᠠᠨ ᠪᠠᠷᠢᠳᠠᠭ ᠨᠢ ᠴᠦ ᠪᠤᠢ᠃ ᠴᠠᠰᠤ ᠣᠷᠣᠬᠤ | ᠪᠣᠯᠭᠠᠨ ᠶᠠᠮᠠᠷ ᠨᠢᠭᠡᠨ ᠥᠯᠵᠡᠶᠢᠲᠡᠢ ᠰᠠᠶᠢᠬᠠᠨ ᠦᠢᠯᠡ ᠶᠠᠪᠤᠳᠠᠯ ᠢ ᠡᠭᠦᠰᠬᠡᠨ ᠡᠬᠢᠯᠡᠭᠦᠯᠬᠦ ᠶᠣᠰᠣᠯᠠᠯ ᠤᠨ ᠬᠢᠨᠢ ᠨᠢᠭᠡᠨ ᠠᠭᠤᠯᠭᠠ ᠲᠡᠷᠡ ᠪᠠᠶᠢᠬᠠ ᠠ᠋᠃ | ᠪᠠᠷᠠᠭᠤᠨ ᠭᠠᠷ ᠤᠨ ᠳᠣᠯᠢᠶᠠᠪᠤᠷ ᠬᠤᠷᠤᠭᠤ ᠪᠠᠨ ᠵᠢᠮᠵᠢᠭᠢᠨᠡᠭᠦᠯᠦᠭᠰᠡᠭᠡᠷ ᠨᠦᠢᠲᠠᠨ ᠴᠠᠰᠤᠨ ᠳᠡᠭᠡᠷᠡ ᠣᠪᠣᠭ ᠨᠡᠷᠡ ᠪᠠᠨ ᠪᠢᠴᠢᠬᠦ ᠰᠠᠶᠢᠬᠠᠨ᠂ ᠬᠠᠶᠢᠷᠠᠲᠠᠢ | ᠬᠥᠮᠥᠨ ᠤ ᠪᠠᠨ ᠨᠡᠷᠡ ᠶᠢ ᠪᠢᠴᠢᠬᠦ ᠰᠠᠶᠢᠬᠠᠨ᠂ ᠳᠤᠷᠠᠲᠠᠢ ᠦᠭᠡᠰ ᠢᠶᠠᠨ ᠪᠢᠴᠢᠬᠦ ᠰᠠᠶᠢᠬᠠᠨ᠃ ᠴᠠᠰᠤᠨ ᠤ ᠬᠠᠶᠢᠯᠬᠤ ᠶᠢ ᠳᠠᠭᠠᠯᠳᠤᠭᠠᠳ ᠲᠡᠳᠡᠭᠡᠷ | ᠦᠰᠦᠭ ᠤᠳ ᠤᠨ ᠢᠶᠠᠨ ᠤᠶᠠᠷᠠᠨ ᠤᠷᠤᠰᠬᠤ ᠶᠢ ᠬᠠᠷᠠᠭᠠᠳ ᠪᠠᠶᠢᠬᠤ ᠴᠦ ᠰᠠᠶᠢᠬᠠᠨ᠃ ᠪᠢᠴᠢᠭᠰᠡᠨ ᠦᠰᠦᠭ ᠤᠳ ᠮᠢᠨᠢ ᠭᠠᠵᠠᠷ ᠲᠤ ᠰᠢᠮᠡᠳᠦᠨ᠂ ᠤᠷᠭᠤᠮᠠᠯ ᠤᠨ | ᠳᠤᠮᠳᠠᠭᠤᠷ ᠥᠭᠰᠥᠨ ᠤᠷᠤᠰᠤᠭᠠᠳ᠂ ᠬᠤᠶᠢᠲᠤᠨ ᠡᠪᠦᠯ ᠠᠬᠢᠭᠠᠳ ᠯᠡ ᠴᠠᠰᠤ ᠬᠤᠪᠢᠯᠤᠨᠠ ᠠ᠋ ᠭᠡᠵᠦ ᠤᠷᠭᠤᠭᠤᠯᠤᠨ ᠪᠤᠳᠤᠬᠤ ᠪᠠᠷ ᠨᠡᠩ ᠴᠦ ᠰᠠᠶᠢᠬᠠᠨ᠃ | ᠠᠩᠬᠠᠨ ᠤ ᠴᠠᠰᠤ ᠬᠦᠯᠢᠶᠡᠯᠭᠡᠨ ᠬᠦᠯᠢᠶᠡᠯᠭᠡᠭᠰᠡᠭᠡᠷ ᠬᠠᠪᠤᠷ ᠨᠢ ᠳᠥᠩᠭᠡᠵᠦ ᠣᠷᠣᠳᠠᠭ ᠵᠢᠯ ᠪᠠᠶᠢᠳᠠᠭ᠃ ᠡᠶᠢᠮᠦ ᠴᠠᠰᠤ ᠦᠭᠡᠢ ᠲᠤᠭᠤᠯᠤᠬᠰᠠᠨ ᠡᠪᠦᠯ ᠢ ᠬᠠᠷᠠ | ᠡᠪᠦᠯ ᠭᠡᠳᠡᠭ ᠨᠢ ᠴᠦ ᠪᠤᠢ᠃ ᠡᠪᠦᠯ ᠤᠨ ᠲᠡᠭᠷᠢ ᠶᠢᠨ ᠲᠣᠭᠠᠯᠠᠰᠢ ᠦᠭᠡᠢ ᠤᠯᠠᠨ ᠡᠮᠵᠡᠭ ᠴᠠᠭᠠᠨ ᠮᠡᠳᠡᠷᠡᠮᠵᠢ ᠨᠦᠭᠦᠳ ᠨᠢ - ᠬᠡᠯᠡᠮᠡᠷ ᠬᠡᠯᠡᠮᠡᠷ ᠪᠣᠯᠣᠭᠠᠳ ᠬᠡᠯᠡᠨ ᠤ | ᠦᠵᠦᠭᠦᠷ ᠲᠤ ᠪᠥᠮᠪᠥᠭᠡᠨᠡᠵᠦ ᠪᠠᠶᠢᠳᠠᠭ ᠦᠭᠡ ᠨᠦᠭᠦᠳ ᠰᠢᠭ ᠭᠠᠵᠠᠷ ᠰᠢᠷᠣᠢ ᠠᠴᠠ ᠴᠤᠬᠤᠯᠵᠠᠵᠤ ᠪᠠᠶᠢᠭᠠ ᠨᠢᠯᠬᠠ ᠨᠣᠭᠤᠭᠠᠨ ᠳᠡᠭᠡᠷᠡ ᠬᠦᠷᠦᠯᠴᠡᠭᠡᠳ ᠤᠳᠠᠯ | ᠦᠭᠡᠢ ᠤᠷᠢ ᠢᠯᠴᠢᠨ ᠳᠤᠨᠢ ᠬᠠᠶᠢᠯᠤᠨ ᠤᠶᠠᠷᠠᠵᠤ᠂ ᠭᠠᠵᠠᠷ ᠲᠤ ︽ᠦᠨᠳᠦᠰᠦᠯᠡᠨᠡ︾ ᠭᠡᠵᠦ ᠶᠠᠭᠤᠲᠠᠢ ᠰᠠᠶᠢᠬᠠᠨ ᠲᠣᠷᠭᠠᠨ ᠭᠱᠠᠨ ᠪᠢᠯᠡ᠃ | ᠴᠠᠰᠤ ᠴᠣᠬᠤᠮ ᠣᠭᠲᠠᠷᠭᠤᠢ ᠳᠤ ᠬᠡᠷᠬᠢᠨ ᠪᠦᠷᠢᠯᠳᠦᠵᠦ ᠪᠠᠷᠢᠯᠳᠤᠳᠠᠭ ᠤᠨ ᠲᠤᠬᠠᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠲᠠᠶᠢᠯᠪᠤᠷᠢ ᠶᠢ ᠪᠢ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ | ᠦᠭᠡᠢ ᠵᠥᠪ ᠬᠡᠮᠡᠨ ᠭᠥᠯᠢᠶᠡᠨ ᠵᠥᠪᠰᠢᠶᠡᠷᠡᠳᠡᠭ ᠪᠤᠯᠪᠠᠴᠦ᠂ ᠴᠠᠰᠤᠨ ᠤ ᠯᠠᠪᠰᠠ ᠪᠤᠶᠤ ᠴᠠᠰᠤᠨ ᠤ ᠰᠢᠷᠬᠡᠭ ᠢ ᠬᠠᠷᠢᠨ ᠪᠣᠷᠣᠭᠠᠨ ᠤ ᠪᠣᠯᠣᠷ ᠲᠤᠩᠭᠠᠯᠠᠭ | ᠦᠷᠡ ᠨᠦᠭᠦᠳ ᠡᠬᠡ ᠭᠠᠵᠠᠷ ᠲᠤ ᠰᠠᠴᠤᠭᠳᠠᠵᠤ ᠦᠨᠳᠦᠰᠦᠯᠡᠭᠡᠳ᠂ ᠲᠡᠭᠷᠢ ᠥᠭᠡᠳᠡ ᠪᠠᠨ ᠮᠣᠬᠤᠰᠢ ᠦᠭᠡᠢ ᠥᠨᠳᠥᠷ ᠢ ᠲᠡᠮᠡᠴᠡᠨ ᠤᠷᠭᠤᠭᠰᠠᠨ ᠤ ᠳ᠋ᠦᠩ ᠳᠤ᠂ | ᠦᠯᠦ ᠦᠵᠡᠭᠳᠡᠬᠦ ᠠᠭᠠᠳ ᠲᠡᠭᠷᠢ ᠳᠦᠭᠦᠷᠡᠩ ᠣᠷᠣᠰᠢᠬᠤ ᠴᠡᠩᠬᠡᠷᠬᠡᠨ ᠤᠢ ᠮᠣᠳᠣᠳ ᠤᠨ ᠢᠶᠠᠨ ᠰᠠᠯᠠᠭᠠ ᠮᠥᠴᠢᠷ ᠲᠤ ᠭᠠᠭᠴᠠ ᠦᠳᠡᠰᠢ ᠶᠢᠨ ᠬᠤᠭᠤᠷᠣᠨᠳᠤ᠂ | ᠬᠠᠯᠠᠭᠤᠨ ᠬᠦᠢᠲᠡᠨ ᠤ ᠡᠴᠢᠨᠡ ᠨᠢᠭᠤᠴᠠᠭᠠᠢ ᠢᠪᠡᠭᠡᠯᠳᠦᠯ ᠢᠶᠠᠷ ᠪᠠᠳᠠᠷᠠᠨ ᠳᠡᠯᠭᠡᠷᠡᠭᠰᠡᠨ ᠴᠠᠭᠠᠨ ᠴᠡᠴᠡᠭᠡᠰ ᠬᠡᠮᠡᠨ ᠢᠲᠡᠭᠡᠬᠦ ᠨᠡᠩ ᠳᠤᠷᠠᠲᠠᠢ᠃ ᠦᠷᠡ ᠳ᠋ᠦᠩ ᠤᠨ | ᠬᠤᠪᠢ ᠳᠤ᠂ ᠡᠶᠢᠨ ᠬᠦ ᠲᠥᠰᠥᠭᠡᠯᠡᠬᠦ ᠨᠢ ᠢᠯᠡᠭᠦᠦ ᠲᠠᠶᠢᠳᠬᠤᠷᠠᠯ ᠳᠣᠭᠳᠣᠯᠤᠯ ᠲᠠᠢ ᠰᠠᠨᠠᠭᠳᠠᠳᠠᠭ ᠪᠤᠯᠪᠠᠴᠦ᠂ ᠲᠠᠶᠢᠳᠬᠤᠷᠠᠶᠠ ᠳᠣᠭᠳᠣᠯᠤᠶᠠ ᠬᠡᠮᠡᠨ ᠵᠣᠷᠢᠭᠤᠳᠠ | ᠲᠥᠰᠥᠭᠡᠯᠡᠳᠡᠭ ᠴᠦ ᠪᠢᠰᠢ᠂ ᠬᠠᠷᠢᠨ ᠴᠠᠰᠤᠨ ᠠᠴᠠ ᠡᠭᠦᠰᠦᠯᠲᠡᠢ ︽ᠣᠷᠣᠰᠢᠭᠰᠠᠨ︾ ᠣᠩᠭᠤᠳ ᠮᠡᠳᠡᠷᠡᠮᠵᠢ ᠳᠡᠭᠡᠨ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ | ᠠᠪᠲᠠᠳᠠᠭ ᠢᠶᠠᠷ ᠢᠶᠠᠨ ᠤᠴᠢᠷ ᠪᠢᠲᠡᠭᠦᠯᠢᠭ ᠲᠠᠶᠢᠳᠬᠤᠷᠠᠨ ᠳᠣᠭᠳᠣᠯᠳᠠᠭ ᠮᠢᠨᠢ ᠲᠡᠷᠡ ᠰᠠᠨ᠃ | ᠶᠠᠫᠤᠨ ᠤ ᠡᠷᠲᠡᠨ ᠤ ᠬᠠᠶᠢᠺᠦ᠋ᠴᠢᠨ ᠡᠸ᠋ᠨᠥᠮᠤᠲ᠋ᠤ᠋ ᠺᠢᠺᠠᠺᠦ᠋ ︽ᠮᠢᠨᠤᠬᠢ ᠶᠤᠮ ᠠ᠋ ᠭᠡᠵᠦ ᠪᠤᠳᠤᠴᠢᠬᠠᠬᠤ ᠪᠠᠷ \ ᠮᠠᠯᠠᠭᠠᠢ ᠶᠢᠨ ᠳᠡᠭᠡᠷᠡ ᠴᠠᠰᠤ ᠬᠥᠩᠭᠡᠨ︾ ᠭᠡᠵᠦ | ᠪᠢᠴᠢᠭᠰᠡᠨ ᠰᠢᠭ᠂ ᠠᠶᠠᠷᠬᠠᠨ ᠬᠠᠶᠠᠯᠠᠬᠤ ᠴᠠᠰᠤᠨ ᠳᠤ ᠶᠠᠪᠤᠬᠤ ᠳᠠᠭᠠᠨ ᠪᠢ ᠴᠦ ᠭᠡᠰᠡᠨ ᠴᠠᠰᠤ ᠶᠢ ᠪᠦᠷ ︽ᠮᠢᠨᠤᠬᠢ︾ ᠪᠣᠯᠭᠠᠴᠢᠬᠠᠭᠠᠳ᠂ ᠴᠠᠰᠤᠨ ᠤ ᠯᠠᠪᠰᠠ | ᠬᠤᠪᠢᠯᠤᠨ ᠬᠥᠩᠭᠡᠷᠡᠴᠢᠬᠡᠭᠰᠡᠨ᠂ ᠡᠰᠡᠬᠦᠯᠡ ᠴᠠᠰᠤ ᠬᠠᠶᠠᠯᠠᠭᠰᠠᠨ ᠠᠭᠠᠷ ᠲᠡᠭᠷᠢ ᠶᠢᠨ ᠥᠴᠥᠬᠡᠨ ᠨᠢᠭᠡᠨ ᠴᠡᠭ ᠨᠢ ᠪᠣᠯᠴᠢᠬᠠᠭᠰᠠᠨ - ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ | ᠴᠢᠯᠦᠭᠡᠲᠡᠢ ᠭᠦᠪᠳᠡᠭ ᠶᠤᠮ ᠰᠠᠨ ᠁ | | ᠵᠣᠬᠢᠶᠠᠭᠴᠢ᠄ ᠪ᠊ · ᠪᠤᠶᠠᠨᠬᠡᠰᠢᠭ | | |