| ᠤᠰᠤᠨ ᠤ ᠡᠬᠢ ᠪᠠᠶᠠᠯᠢᠭ ᠢ ᠬᠠᠮᠠᠭᠠᠯᠠᠬᠤ ᠨᠢ ᠠᠮᠢ ᠨᠠᠰᠤ ᠪᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠥᠯᠥᠭᠡ ᠶᠤᠮ᠂ ᠨᠡᠩ ᠴᠤ ᠪᠣᠯᠪᠠᠰᠤᠨ ᠢ ᠬᠠᠮᠠᠭᠠᠯᠠᠨ ᠤᠯᠠᠮᠵᠢᠯᠠᠬᠤ ᠶᠢᠨ | ᠲᠥᠯᠥᠭᠡ ᠶᠤᠮ ᠤᠰᠤ — ᠠᠮᠢ ᠨᠠᠰᠤᠨ ᠤ ᠡᠬᠢ ᠰᠤᠷᠪᠤᠯᠵᠢ᠃ ᠳᠠᠩ ᠡᠰᠲᠦ ᠠᠮᠢᠳᠤ ᠪᠣᠳᠠᠰ ᠠᠴᠠ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠪᠣᠯᠪᠠᠰᠤᠨ ᠭᠦᠷᠳᠡᠯᠡ ᠤᠰᠤ | ᠢᠮᠠᠭᠲᠠ ᠠᠮᠢ ᠨᠠᠰᠤᠨ ᠤ ᠣᠷᠣᠰᠢᠯ ᠪᠠ ᠦᠷᠭᠦᠯᠵᠢᠯᠡᠯ ᠤᠨ ᠦᠨᠳᠦᠰᠦ ᠪᠣᠯᠣᠭᠰᠠᠭᠠᠷ ᠢᠷᠡᠵᠡᠢ᠃ ᠤᠰᠤ ᠪᠥᠮᠪᠥᠷᠴᠡᠭ ᠤᠨ ᠲᠦᠮᠡᠨ ᠪᠣᠳᠠᠰ ᠤᠨ ᠡᠭᠦᠰᠦᠯ ᠤᠨ | ᠡᠬᠢ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠡᠩ ᠴᠦ ᠥᠪᠡᠷᠮᠢᠴᠡ ᠹᠢᠽᠢᠺ ᠤᠨ ᠣᠨᠴᠠᠯᠢᠭ ᠢᠶᠠᠷ ᠢᠶᠠᠨ ᠠᠮᠢ ᠨᠠᠰᠤᠨ ᠤ ᠨᠢᠭᠤᠴᠠ ᠶᠢ ᠲᠠᠶᠢᠯᠪᠤᠷᠢᠯᠠᠵᠤ ᠪᠠᠶᠢᠳᠠᠭ᠃ | ᠠᠮᠢᠳᠤ ᠪᠣᠳᠠᠰ ᠤᠨ ᠪᠡᠶᠡ ᠶᠢᠨ 70% ᠭᠠᠷᠤᠢ ᠨᠢ ᠤᠰᠤ ᠪᠠᠶᠢᠵᠤ᠂ ᠤᠰᠤ ᠡᠰ ᠤᠨ ᠰᠣᠯᠢᠯᠴᠠᠭᠠ ᠳᠤ ᠣᠷᠣᠯᠴᠠᠨ ᠠᠮᠢ ᠶᠢᠨ ᠠᠵᠢᠯᠯᠠᠭᠠ ᠶᠢ ᠪᠠᠲᠤᠯᠠᠳᠠᠭ᠃ | ᠤᠰᠤᠨ ᠤ ᠮᠣᠯᠧᠺᠦ᠋ᠯ ᠤᠨ ᠬᠤᠭᠤᠷᠣᠨᠳᠣᠭᠢ ᠤᠰᠤᠲᠥ᠋ᠷᠥᠭᠴᠢ ᠶᠢᠨ ᠦᠢᠯᠡᠳᠦᠯ ᠨᠢ ᠲᠡᠭᠦᠨ ᠢ ᠥᠪᠡᠷᠮᠢᠴᠡ ᠠᠭᠤᠰᠤᠭᠴᠢ ᠴᠢᠨᠠᠷ ᠪᠠ ᠤᠷᠤᠰᠤᠩᠭᠤᠢ ᠴᠢᠨᠠᠷ ᠲᠠᠢ᠂ | ᠠᠮᠢ ᠶᠢᠨ ᠪᠣᠳᠠᠭᠠᠯᠢ ᠪᠡᠶᠡ ᠳᠣᠲᠣᠷᠠᠬᠢ ᠪᠣᠳᠠᠰ ᠤᠨ ᠵᠥᠭᠡᠭᠡᠪᠦᠷᠢᠯᠡᠯᠲᠡ ᠪᠠ ᠡᠨᠧᠷᠭᠢ ᠶᠢᠨ ᠰᠣᠯᠢᠭᠳᠠᠯ ᠳᠤ ᠪᠣᠯᠣᠯᠴᠠᠭᠠ ᠶᠢ ᠬᠠᠩᠭᠠᠳᠠᠭ ᠢ ᠪᠢᠳᠡ ᠳᠤᠮᠳᠠᠳᠤ | ᠰᠤᠷᠭᠠᠭᠤᠯᠢ ᠶᠢᠨ ᠬᠢᠴᠢᠶᠡᠯ ᠤᠨ ᠪᠢᠴᠢᠭ ᠠᠴᠠ ᠰᠤᠷᠤᠬᠰᠡᠨ ᠶᠤᠮ᠃ | ᠤᠰᠤ ᠪᠣᠯ ᠣᠷᠣᠰᠢᠨ ᠲᠣᠭᠲᠠᠨᠢᠬᠤ ᠶᠢᠨ ᠴᠢᠬᠤᠯᠠ ᠬᠡᠷᠡᠭᠴᠡᠭᠡᠨ ᠤ ᠡᠳ᠋ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠡᠩ ᠴᠤ ᠪᠣᠯᠪᠠᠰᠤᠨ ᠤ ᠥᠯᠥᠭᠡᠢ ᠪᠤᠯᠬᠤ ᠶᠤᠮ᠃ | ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠪᠣᠯᠪᠠᠰᠤᠨ ᠤ ᠡᠭᠦᠰᠦᠯ ᠪᠠ ᠬᠥᠭᠵᠢᠯᠲᠡ ᠢᠮᠠᠭᠲᠠ ᠤᠰᠤ ᠲᠠᠢ ᠨᠢᠭᠲᠠ ᠬᠤᠯᠪᠤᠭᠠ ᠲᠠᠢ᠃ ᠨᠢᠯ ᠮᠥᠷᠡᠨ ᠡᠷᠲᠡᠨ ᠤ ᠶᠧᠵᠢᠫᠲ ᠤᠨ | ᠪᠣᠯᠪᠠᠰᠤᠨ ᠢ ᠪᠤᠢ ᠪᠤᠯᠭᠠᠵᠤ᠂ ᠲᠢᠭᠷᠢᠰ ᠭᠤᠣᠯ ᠪᠣᠯᠣᠨ ᠶᠦᠹᠷᠠᠲ᠋ᠧᠰ ᠮᠥᠷᠡᠨ ᠬᠤᠶᠠᠷ ᠭᠤᠣᠯ ᠮᠥᠷᠡᠨ ᠤ ᠰᠠᠪᠠ ᠭᠠᠵᠠᠷ ᠲᠤ ᠡᠷᠲᠡᠨ ᠤ ᠪᠠᠪᠢᠯᠤᠨ ᠤ ᠪᠣᠯᠪᠠᠰᠤᠨ | ᠮᠡᠨᠳᠤᠯᠡᠵᠤ᠂ ᠬᠠᠲᠤᠨ ᠭᠤᠣᠯ ᠬᠥᠬᠡᠮᠥ᠋ᠷᠡᠨ ᠳᠤᠮᠳᠠᠳᠤ ᠶᠢᠨ ᠪᠣᠯᠪᠠᠰᠤᠨ ᠢ ᠪᠦᠲᠦᠭᠡᠪᠡ᠃ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠤᠰᠤᠨ ᠤ ᠠᠰᠢᠭᠯᠠᠯᠲᠠ ᠬᠢᠭᠡᠳ | ᠵᠠᠰᠠᠯᠲᠠ ᠨᠢ ᠪᠣᠯᠪᠠᠰᠤᠨ ᠤ ᠳᠡᠪᠰᠢᠯᠲᠡ ᠶᠢ ᠲᠤᠰᠬᠠᠵᠤ᠂ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤᠰᠤ ᠯᠤᠭᠠ ᠶᠢᠨ ᠦᠢᠯᠡᠳᠦᠯᠴᠡᠯ ᠤᠨ ᠳᠤᠮᠳᠠ ᠬᠥᠭᠵᠢᠨ ᠮᠠᠨᠳᠤᠵᠤ ᠢᠷᠠᠪᠠ᠃ | ᠤᠰᠤ ᠪᠣᠯ ᠣᠶᠤᠨ ᠤᠬᠠᠭᠠᠨ ᠤ ᠪᠠᠭᠰᠢ ᠭᠡᠵᠦ ᠬᠡᠯᠡᠵᠦ ᠴᠦ ᠪᠣᠯᠣᠨᠠ᠃ ᠤᠰᠤᠨ ᠤ ᠣᠨᠴᠠᠯᠢᠭ ᠲᠤ ᠭᠦᠨ ᠤᠬᠠᠭᠠᠨ ᠠᠭᠤᠯᠵᠤ ᠪᠤᠢ᠃ ᠤᠷᠤᠰᠤᠮᠠᠬᠠᠢ | ᠰᠢᠩᠭᠡᠨ ᠤᠰᠤ ᠤᠶᠠᠨ ᠬᠠᠳᠠᠨ ᠬᠠᠳᠠ ᠴᠢᠯᠠᠭᠤ ᠶᠢ ᠨᠡᠪᠲᠡᠯᠵᠦ ᠳᠡᠶᠢᠯᠦᠨᠠ᠂ ᠨᠠᠮ ᠲᠣᠭᠲᠠᠭᠤᠨ ᠤᠰᠤ ᠣᠩᠭᠤᠴᠠ ᠵᠠᠪᠢ ᠶᠢ ᠭᠦᠪᠪᠦᠭᠦᠯᠵᠦ ᠴᠢᠳᠠᠨᠠ᠃ ᠤᠰᠤ | ᠠᠭᠤᠷ ᠪᠣᠯᠵᠤ ᠳᠡᠭᠳᠡᠨᠡ᠂ ᠮᠥᠰᠥ ᠪᠣᠯᠵᠤ ᠬᠥᠯᠳᠡᠨᠡ᠂ ᠴᠠᠰᠤ ᠪᠣᠯᠵᠤ ᠯᠠᠪᠰᠠᠯᠠᠨᠠ᠃ ᠭᠡᠯᠪᠡᠷᠢ ᠦᠭᠡᠢ ᠪᠤᠶᠤ ᠭᠡᠯᠪᠡᠷᠢ ᠪᠤᠢ ᠶᠢᠨ ᠳᠤᠮᠳᠠ ᠤᠰᠤ ︽ᠵᠢᠩᠬᠢᠨᠢ | ᠬᠦᠴᠦᠨ ᠶᠡᠷᠦ ᠨᠢ ᠤᠶᠠᠨ ᠬᠠᠳᠠᠨ ᠴᠢᠨᠠᠷ ᠲᠤ ᠠᠭᠤᠯᠤᠭᠳᠠᠵᠤ᠂ ᠴᠠᠴᠠᠨ ᠤᠬᠠᠭᠠᠨ ᠢᠮᠠᠭᠲᠠ ᠳᠠᠷᠤᠤ ᠬᠢᠴᠢᠶᠡᠩᠭᠦᠢ ᠵᠠᠩ ᠠᠷᠠᠨᠰᠢᠨ ᠳᠤ ᠲᠣᠳᠣᠷᠠᠳᠠᠭ︾ ᠭᠡᠳᠡᠭ ᠢ | ᠪᠢᠳᠡᠨ ᠳᠤ ᠰᠡᠩᠬᠡᠷᠡᠭᠦᠯᠵᠦ ᠪᠠᠶᠢᠭᠠ ᠪᠢᠰᠢᠦ᠃ ᠤᠰᠤᠨ ᠤ ᠤᠷᠤᠰᠤᠩᠭᠤᠢ ᠴᠢᠨᠠᠷ ᠪᠠ ᠵᠣᠬᠢᠯᠳᠤᠬᠤ ᠴᠢᠨᠠᠷ ᠨᠢ ᠪᠢᠳᠡᠨ ᠳᠤ ᠬᠤᠪᠢᠷᠠᠯᠲᠠ ᠶᠢᠨ ᠳᠤᠮᠳᠠ ᠠᠴᠠ ᠠᠵᠠ | ᠲᠣᠭᠢᠶᠠᠯ ᠡᠷᠢᠵᠦ᠂ ᠬᠦᠴᠢᠷᠳᠡᠯ ᠤᠨ ᠳᠤᠮᠳᠠ ᠠᠴᠠ ᠵᠥᠪ ᠴᠢᠭᠯᠡᠯ ᠣᠯᠬᠤ ᠶᠢ ᠵᠢᠭᠠᠨ ᠥᠭᠴᠦ ᠪᠠᠶᠢᠭᠠ ᠴᠦ ᠭᠡᠮᠡᠷᠬᠡᠨ᠃ | ᠪᠣᠯᠪᠠᠰᠤᠨ ᠤ ᠬᠥᠭᠵᠢᠯᠲᠡ ᠶᠢ ᠳᠠᠭᠠᠯᠳᠤᠭᠠᠳ ᠤᠰᠤ ᠳᠤᠲᠠᠭᠳᠠᠬᠤ ᠬᠦᠨᠳᠦ ᠨᠣᠴᠢᠲᠠᠢ ᠲᠤᠯᠭᠠᠷᠠᠵᠤ ᠪᠤᠢ᠃ ᠪᠦᠭᠦ ᠪᠥᠮᠪᠥᠷᠴᠡᠭ ᠤᠨ 70% ᠨᠢ ᠤᠰᠤ | ᠪᠥᠭᠡᠲᠡᠯᠡ ᠶᠠᠭᠠᠬᠢᠭᠠᠳ ᠤᠰᠤ ᠳᠤᠲᠠᠭᠳᠠᠬᠤ ᠪᠣᠯᠪᠠ︖ ᠠᠳᠡ ᠶᠠᠷᠢᠵᠤ ᠪᠠᠶᠢᠭᠠ ᠨᠢ ᠬᠡᠯᠡᠯᠭᠡᠨ ᠦᠭᠡᠢ ᠴᠡᠩᠭᠡᠭ ᠤᠰᠤ ᠶᠢ ᠵᠢᠭᠠᠵᠤ ᠪᠠᠶᠢᠨᠠ᠃ ᠤᠰᠤᠨ ᠤ ᠡᠬᠢ | ᠪᠠᠶᠠᠯᠢᠭ ᠢ ᠬᠠᠮᠠᠭᠠᠯᠠᠬᠤ᠂ ᠤᠰᠤ ᠶᠢ ᠠᠷᠪᠢᠯᠠᠬᠤ᠂ ᠲᠠᠯᠠᠢ ᠲᠠᠩᠭᠢᠰ ᠤᠨ ᠤᠰᠤ ᠶᠢ ᠴᠡᠩᠭᠡᠭ ᠤᠰᠤ ᠪᠣᠯᠭᠠᠨ ᠠᠰᠢᠭᠯᠠᠬᠤ ᠁ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠤᠰᠤ | ᠶᠢ ᠣᠶᠢᠯᠠᠭᠠᠨ ᠡᠵᠡᠮᠳᠡᠬᠦ ᠤᠬᠠᠭᠠᠨ ᠮᠥᠨ ᠯᠡ ᠬᠤᠮᠰᠠ ᠪᠠᠶᠢᠭᠰᠠᠭᠠᠷ᠃ | |